Cape Garrison Artillery

Die Cape Garrison Artillery is 'n reserwemagregiment in die Suid-Afrikaanse Artillerie van die Suid-Afrikaanse Leër, met hoofkwartier in Kaapstad. Dit bestaan sedert 1942, maar dra die naam van 'n vroeër regiment wat vanaf 1879 tot 1958 bestaan het. Albei eenhede word hier bespreek.

Cape Garrison Artillery
Gestig	1974
Land	Suid-Afrika  Suid-Afrika
Weermagdeel	Suid-Afrikaanse Leër
Onderdeel van	Suid-Afrikaanse Weermag Lugverdediging Artillery Formasie, Weermag Konvensionele Reserwe
Tipe	Artillerie
Hoofkwartier	Fort Wynyard, Kaapstad
Aantal lede	Een bataljon

Geskiedenis (Chronologie)

Cape Garrison Artillery (1879-1958)

1870's

• Die Cape Town Volunteer Engineers word in 1879 as vrywilligereenheid in Kaapstad gestig - daar was ook 'n vroeër eenheid met dieselfde naam wat vanaf 1859 tot 1866 bestaan het.
• Transkei-veldtog (1880-81) - aktiewe diens in Transkei.

1880's

• In 1889 stig die CTVE 'n kusartilleriekompanie.

1890's

• Naam verander in 1891 na 'Garrison Artillery & Engineer Volunteer Corps'.
• 'n Tweede kusartilleriekompanie word in 1893 op Simonstad gestig.
• In 1896 staak die GAEVC sy geniefunksies en word die 'Cape Garrison Artillery'.
• Tweede Vryheidsoorlog (1899-1902) - beman Kaapse Skiereiland kusbatterye; aktiewe diens in Kaapkolonie en Oranje-Vrystaat; begelei krygsgevangenes na Sint Helena; voorsien tolke vir die krygsgevangenekampe op Ceylon.

1900's

• Ontvang in 1905 'n Koningsvaandel ter erkenning van sy diens in die oorlog - destyds was dit 'n seldsame eer vir 'n artillerieeenheid.

1910's

• Ingelyf by die burgermag van die nuwe Unie Verdedigingsmagte in 1913 as die '1ste Divisie, SA Vestingartillerie (CGA)' - diensplig bly vrywillig.
• Suidwes-Afrika-veldtog (1914-15) - aktiewe diens in Suidwes-Afrika.
• Vanaf 1916 tot die einde van die Eerste Wêreldoorlog beman die CGA die Kaapse Skiereiland se kusartilleriebatterye, wat normaalweg deur die Britse Leër beman is.

1930's

• Naam verander na '1ste en 2de Swaarbatterye (CGA)' in 1934.
• 5de Swaarbattery (CGA) word in 1938/39 gestig om die nuwe batterye op Robbeneiland te beman.

1940's

• Tweede Wêreldoorlog (1939-45) - die drie batterye beman die Kaapse Skiereiland se kusbatterye.
• 8ste Swaarbattery (CGA) word in 1942 gestig om die nuwe batterye op Saldanha te beman.

1950's

• 5de Swaarbattery word in 1951 ontbind - die ander drie word '1, 2 en 5 Kusregimente (CGA)' en word by die nuwe Suid-Afrikaanse Marinierskorps ingelyf.
• Die vrywillige diensstelsel eindig in 1952 - vanaf 1952 tot 1967 is burgers vir diensplig geloot.
• Met die ontbinding van die SAMK in 1955 word die drie kusregimente na die Suid-Afrikaanse Vloot oorgeplaas - daar word hulle SAS Ubique, SAS Diaz, en SAS Malgas.
• Die drie eenhede word in 1958 ontbind.

Cape Garrison Artillery (1942- )

1940's

• Tweede Wêreldoorlog - on 1942 stig die Suid-Afrikaanse Lugmag 50, 51, en 52 Lugafweerbatterye in Saldanha, Kaapstad, en Simonstad onderskeidelik - hulle was deel van die versterking van die verdedigingsmagte as gevolg van 'n moontlike Japannese inval.
• In 1949 word die lugafweer na die Suid-Afrikaanse Artillerie (in die landmagte) oorgeplaas.

1950's

• In 1951 word die drie batterye by die nuwe Suid-Afrikaanse Marinierskorps ingelyf.
• Die vrywillige diensstelsel eindig in 1952 - vanaf 1952 tot 1967 is burgers vir diensplig geloot.
• Met die ontbinding van die SAMK in 1955 keer die drie batterye na die leër terug en smelt saam as '4 Heavy Anti-Aircraft Regiment'.
• Die regiment word in 1960 met die Universiteit van Kaapstad affilieer - die naam verander na 'University of Cape Town Regiment'.

1960's

• Vanaf 1968 tot 1993 is burgermagdiens verpligtend ('nasionale diensplig') - affiliasie met UK eindig.

1970's

• Word in 1974 toegelaat om die naam van die ou 'Cape Garrison Artillery' oor te neem.
• Angola-veldtog (1975-76) - aktiewe diens in Angola.
• Grensoorlog - verskeie operasionele diensbeurte in noordelike Suidwes-Afrika en suidelike Angola.

1980's

• Noodtoestand (1985-90) - verskeie keer vir binnelandse veiligheidsdienste opgeroep.

1990's

• Sedert 1994 is militêre diens weer vrywillig.
• Toe die burgermag na 1994 in die reserwemag omskep is word die CGA 'n reserwemageenheid.

Gevegsonderskeidings

Gewoonlik word gevegsonderskeidings nie aan artillerieeenhede toegeken nie, maar 'n uitsondering is gemaak vir die Eerste Wêreldoorlog, en die oorspronklike CGA het dus die onderskeiding 'Suidwes-Afrika 1914-15' ontvang.

Verwysings

• Nöthling, C.J. (1987). Ultima Ratio Regum.