Carters Glen
Carters Glen is een van die grootste voormalige wit woongebiede van Kimberley, die hoofstad van die Noord-Kaap, Suid-Afrika, wat sowel oppervlakte as inwonertal betref.
Carters Glen | |
|---|---|
  Carters Glen Carters Glen se ligging in Noord-Kaap | |
| Koördinate: 28°44′53″S 24°43′23″O / 28.74806°S 24.72306°O | |
| Land |  Suid-Afrika |
| Provinsie | Noord-Kaap |
| Distrik | Frances Baard |
| Munisipaliteit | Sol Plaatje |
| Hoofplek | Kimberley |
| Oppervlak | |
| • Totaal | 1,46 km2 (0,56 vk. myl) |
| Bevolking (2011)[1] | |
| • Totaal | 2 252 |
| • Digtheid | 1 542/km2 (3 990/vk. myl) |
| Rasverdeling (2011) | |
| • Wit mense | 61,7% |
| • Indiërs/Asiërs | 0,7% |
| • Bruin mense | 10,6% |
| • Swart mense | 26,8% |
| • Ander | 0,2% |
| Taal (2011) | |
| • Afrikaans | 71,4% |
| • Engels | 14,4% |
| • Tswana | 7,7% |
| • Xhosa | 3,2% |
| • Suid-Sotho | 1,3% |
Die voorstad is geleë in die weste van die stad en genoem na Carter's Ridge, 'n plaas wat uitkyk oor dié deel van die Diamantstad, waar Boere-gewere in die Tweede Vryheidsoorlog geplaas is tydens die Beleg van Kimberley. Op 25 November 1899 het die onverskrokke maj. Henry Scott-Turner en 21 van sy manskappe gesneuwel nadat hulle hul veilige vesting verlaat en met die Boere slaags geraak het. 'n Baken van klip dui die plek aan waar hulle op die slagveld gesterf het.
Vir sensusdoeleindes beslaan Carters Glen 1,46 km². In 2011 was hier 2 252 inwoners van wie amper 62 persent wit, amper 27 persent swart en sowat 10,5 persent bruin was. Afrikaans was toe die grootste huistaal (71,36 persent) en Engels (14,36 persent) die naasgrootste.[2]
Bron
wysig- (en) Potgieter, D.J. 1971. Standard Encyclopaedia of Southern Africa. Cape Town: Nasionale Opvoedkundige Uitgewery Ltd.
Verwysings
wysig- ↑ 1,0 1,1 1,2 1,3 "Subplek Carters Glen". Sensus 2011.
- ↑ (en) AdrianFrith.com. URL besoek op 28 Februarie 2016.
Eksterne skakels
wysig- (en) Besonderhede oor gedenktekens in Kimberley. URL besoek op 28 Februarie 2016.