Catharina-Amalia, Prinses van Oranje
Catharina-Amalia, Prinses van Oranje (Catharina-Amalia Beatrix Carmen Victoria; gebore 7 Desember 2003) is die erfgenaam van die troon van die Koninkryk van Nederland, wat bestaan uit die samestellende lande Aruba, Curaçao, Nederland en Sint Maarten.
| Catharina-Amalia | |
|---|---|
| Prinses van Oranje | |
.jpg) Catharina-Amalia in 2014
| |
| Vorstehuis | Oranje-Nassau |
| Volle naam | Catharina-Amalia Beatrix Carmen Victoria |
| Gebore | 7 Desember 2003 Den Haag, Nederland |
| Vader | Willem-Alexander van die Nederlande |
| Moeder | Máxima Zorreguieta Cerruti |
| Religie | Christendom, Protestantisme |
Herkoms wysig
Catharina-Amalia is die oudste kind van koning Willem-Alexander en koningin Máxima van die Nederlande. Sy het die erfgenaam van die Nederlandse troon geword toe haar pa die troon op 30 April 2013 bestyg het.
Prinses Catharina-Amalia het twee jonger susters: prinses Alexia (gebore in 2005) en prinses Ariane (gebore in 2007). Sy woon saam met haar ouers en een van haar susters in Huis ten Bosch paleis in Den Haag.[1]
Opvoeding wysig
Catharina-Amalia was vanaf Desember 2007 op skool by die openbare laerskool Bloemcampschool in Wassenaar. [2] Sy het die Christelijk Gimnasium Sorghvliet in Den Haag bygewoon, waar haar tante Prinses Laurentien ook was. Sy het in Junie 2021 gegradueer. Met die gradeplegtigheid het sy aangekondig dat sy 'n brugjaar sou neem en geweier om haar reg op € 1,6 miljoen per jaar in inkomste vir die tydperk te aanvaar, en bygevoeg dat dit haar "ongemaklik sou maak solank ek niks doen in ruil daarvoor nie".[3]
Haar verjaarsdae word tradisioneel gevier met 'n konsert in die Kloosterkerk in Den Haag, wat deur ambassadeurs en lede van die koninklike huishouding en die Staatsraad van Nederland bygewoon word.[4] Sy praat Nederlands, Engels en Spaans.[5] Daarbenewens het sy klasse in Mandaryn-Chinees geneem.[6]
Catharina-Amalia se ouma aan vaderskant, koningin Beatrix, het op 30 April 2013 geabdikeer en haar pa het die troon bestyg. Catharina-Amalia, as die nuwe erfgenaam, het die titel Prinses van Oranje aangeneem en die eerste geword om dit in eie reg te doen. Prinses Catharina-Amalia het haar setel in die Adviesafdeling van die Staatsraad van Nederland ingeneem toe sy op 18 mondig geword het.[7]
Verwysings wysig
- ↑ "Huis ten Bosch Palace". Royal House. Geargiveer vanaf die oorspronklike op 17 Oktober 2013. Besoek op 17 Augustus 2013.
- ↑ "Princess Amalia to attend state school" (in Nederlands). DutchNews. 18 September 2007. Besoek op 29 Januarie 2013.
- ↑ Henley, Jon (11 Junie 2021). "Princess Amalia, heir to Dutch throne, waives right to yearly income". The Guardian. Besoek op 14 Junie 2021.
- ↑ "Princess Amalia celebrates sixth birthday" (in Nederlands). DutchNews. 7 Desember 2009. Besoek op 29 Januarie 2013.
- ↑ "The children of King Willem-Alexander and Queen Máxima". Besoek op 4 Februarie 2015.
- ↑ "European royals turning their hand to Mandarin". Fu Jing (China Daily Europe). 31 Julie 2016. Besoek op 7 Desember 2021.
- ↑ "Voorzitterschap Raad van State" (in Nederlands). Royal House. 28 Januarie 2013. Geargiveer vanaf die oorspronklike op 24 Augustus 2013. Besoek op 17 Augustus 2013.