Maak hoofkeuseskerm oop

Chabarofsk-krai

federale deelgebied van Rusland

Chabarofsk-krai (Russies: Хаба́ровский край, Chabarofski krai) is ’n deelgebied van Rusland. Dit lê in die Verre-Oosterse Federale Distrik en die hoofstad is Chabarofsk.

Chabarofsk-krai
Хабаровский край
Die ligging van Chabarofsk-krai in Rusland.
Die ligging van Chabarofsk-krai in Rusland.
Politieke status
Land Flag of Russia.svg Russiese Federasie
Federale distrik Verre-Oosterse
Ekonomiese streek Verre-Oosterse
Stigting 20 Oktober 1938
Regering
Hoofstad Chabarofsk
Leier Wjatsjeslaf Sjport
Amp Goewerneur
Wetgewer Wetgewende Doema
Bevolking
Sensus 2010
Totaal 1 343 869
Volgorde 34ste
Digtheid 1,7/km2
Stedelik 81,8%
Plattelands 18,2%
Statistiek
Oppervlakte 788 600 km2
Volgorde 4de
Tydsone UTC+11:00
Registrasienommer 27
Amptelike tale Russies
Webtuiste http://www.khabkrai.ru/
Wapen en vlag
Krai Khabarovsk coat.png

Flag of Khabarovsk Krai.svg
Portaal  Portaalicoon   Rusland

Die grootste deel van die krai lê in die laer stroomgebied van die Amoer-rivier, maar daar is ook ’n groot bergagtige gebied aan die kuslyn van die See van Ochotsk.

GeografieWysig

Met ’n oppervlakte van 785 730 km² is die krai ongeveer die grootte van Turkye. Dit grens in die noorde aan Magadan-oblast, in die weste aan Jakoetië en Amoer-oblast en in die suide aan China en Primorski-krai. Die See van Ochotsk lê in die ooste.

Die plantegroei is taiga en toendra in die noorde, moerasagtige woude in die sentrale laagland en weelderige bosse in die suide.

EkonomieWysig

Die belangrikste ekonomiese sektore is houtverwerking en vissery, asook metallurgie in die groot stede. Komsomolsk aan die Amoer is die yster- en staalsentrum van die Russiese Verre-Ooste. Die hoofstad, Chabarofsk, lê op die punt waar die Transsiberiese Spoorlyn die Amoer kruis.

DemografieWysig

Volgens die 2002-sensus is 89,8% van die bevolking Russe, 3,4% Oekraïners 0,77% Nanais, 0,76% Tatare, 0,66% Koreane en 0,62% Belarusse. Daar woon ook kleiner groepe inheemse volke, soos die Ewenks en Ewens.

VerwysingsWysig

Hierdie artikel is merendeels vertaal vanaf die Nederlandse Wikipedia-artikel nl:Kraj Chabarovsk