Chet Baker
Chesney Henry "Chet" Baker Jr. (23 Desember 1929 – 13 Mei 1988) was 'n Amerikaanse trompetspeler en sanger van jazzmusiek. Hy is bekend om sy noemenswaardige innovasies in die "cool jazz" genre. Die innovasies het aan hom die noemnaam "prince of cool" besorg.[2]
Chet Baker | |
|---|---|
.jpg) Chet Baker in 1983 | |
| Agtergrondinligting | |
| Geboortenaam | Chesney Henry Baker |
| Gebore | 23 Desember 1929 Yale, Oklahoma, Verenigde State |
| Sterf | 13 Mei 1988 (op 58) Amsterdam, Nederland |
| Genres | Cool jazz, bebop, West Coast jazz |
| Beroep(e) | Musikant, sanger, komponis |
| Instrumente | Trompet, stem, klavier[1] |
| Jare aktief | 1949–1988 |
| Etikette | Pacific Jazz Records, RCA Records, Epic Records |
| Assosiasies | Gerry Mulligan, Art Pepper, Stan Getz |
Baker het deur die era van die 1950's baie aandag en kritiese lof ontvang, veral vir albums waarin hy ook sing (Chet Baker Sings, It Could Happen to You). Die Jazz historikus Dave Gelly het die belofte wat Baker se vroeë loopbaan ingehou het beskryf as "James Dean, Sinatra, and Bix, rolled into one."[3] Sy dwelmgebruik het ook sy berugtheid en bekendheid gedryf. Baker was met reëlmaat in die tronk, voordat 'n herlewing in sy loopbaan in die laat 1970's en 1980's plaasgevind het.[4]
Erfenis
wysigBaker is deur die fotograaf William Claxton afgeneem vir sy boek Young Chet: The Young Chet Baker. 'n Oscar-genomineerde 1988-dokumentêr oor Baker getiteld Let's Get Lost, beeld Baker uit as 'n kulturele ikoon van die vyftigerjare, maar stel dit teenoor sy latere beeld as dwelmverslaafde. Die film, geregisseer deur die modefotograaf Bruce Weber, is in swart-en-wit geskiet en bevat 'n reeks onderhoude met vriende, familie (waaronder sy drie kinders by sy derde vrou Carol Baker), musikale tydgenote en vriendinne, afgewissel met beeldmateriaal van Baker se vroeëre lewe, en onderhoude met Baker in sy laaste jare. In Chet Baker, His Life and Music kritiseer die skrywer De Valk en andere die film omdat Baker daarin in sy latere jare as " bedremmelde en verskrompeld" voorgestel word. Die film is gedurende die eerste helfte van 1987 opgeneem, voor Baker se loopbaanhoogtepunte soos bv. die Japannese konsert, wat op "Chet Baker in Tokio" uitgereik is.
Time after Time: The Chet Baker Project, wat geskryf is deur die dramaturg James O'Reilly, het in 2001 in Kanada getoer.[5]
Jeroen de Valk het 'n biografie oor Baker geskryf.[6]Ander biografieë sluit in James Gavin se Deep in a Dream — The Long Night of Chet Baker en Matthew Ruddick se Funny Valentine. Baker se "verlore herinneringe" is beskikbaar in die boek As Though I Had Wings, met 'n inleiding deur Carol Baker.
Hy word uitgebeeld deur Ethan Hawke in die 2015-film Born to Be Blue. Dit is 'n her-verbeelding van Baker se loopbaan in die laat 1960's, toe hy bekend was vir sy musiek en sy verslawing, en waartydens hy deelgeneem het aan 'n film oor sy lewe om sy loopbaan te bevorder.[7] Steve Wall speel Baker in die film uit 2018 getiteldMy Foolish Heart.
Die sanger Luciana Souza het The Book of Chet in 2012 opgeneem as huldeblyk. Die Brasiliaanse jazz-pianis Eliane Elias het haar 2013-album I Thought About You aan Baker opgedra.[8][9]
Diskografie
wysig- Die hoofartikel vir hierdie afdeling is: Diskografie van Chet Baker.
Filmografie
wysig- (1955) Hell's Horizon, deur Tom Gries: akteur
- (1959) Audace colpo dei soliti ignoti, deur Nanni Loy: musiek
- (1960) Howlers in the Dock, deur Lucio Fulci: akteur
- (1963) Ore rubate, deur Daniel Petrie: musiek
- (1963) Tromba Fredda, deur Enzo Nasso: akteur en musiek
- (1963) Le concerto de la peur, deur José Bénazéraf: musiek
- (1964) L'enfer dans la peau, deur José Bénazéraf: musiek
- (1964) Nudi per vivere, deur Elio Petri, Giuliano Montaldo en Giulio Questi: musiek
- (1988) Let's Get Lost (1988), deur Bruce Weber: musiek
Verwysings
wysig- ↑ "Chet Baker". Jazz Discography Project. Geargiveer vanaf die oorspronklike op 14 Mei 2017. Besoek op 18 Desember 2013.
- ↑ Carr, Roy (2 Desember 2004). "A century of jazz". London : Hamlyn – via Internet Archive.
- ↑ Gelly, Dave (2000). Icons of Jazz: A History in Photographs, 1900–2000 (North American uitg.). San Diego, California: Thunder Bay Press. ISBN 1-57145-268-0.
- ↑ Leland, John (5 October 2004), Hip: The History, HarperCollins, pp. 265–, ISBN 978-0-06-052817-1, https://books.google.com/books?id=oxzubo1GS7oC&pg=PA265, besoek op 13 November 2015
- ↑ Crew, Robert (6 April 2001). "Time After Time: The Chet Baker Project". Variety. Besoek op 13 November 2015.
- ↑ "Jeroen de Valk: tekst & muziek". Jeroendevalk.nl (in Nederlands). Geargiveer vanaf die oorspronklike op 10 Januarie 2014. Besoek op 18 Desember 2013.
- ↑ Barraclough, Leo (4 Februarie 2015). "Berlin: Ethan Hawke Brings Jazz Pic 'Born to Be Blue' to Fest". Variety. Besoek op 13 November 2015.
- ↑ Collar, Matt. "Eliane Elias -- I Thought About You". AllMusic.com. Besoek op 10 Mei 2016.
- ↑ Bailey, C. Michael (23 Mei 2013). "Eliane Elias: I Thought About You: A Tribute to Chet Baker". All About Jazz. allaboutjazz.com. Besoek op 10 Mei 2016.
Verdere leeswerk
wysig- Baker, Chet; Carol Baker. As Though I Had Wings: The Lost Memoir. St Martins Press, 1997.
- De Valk, Jeroen. Chet Baker: His Life and Music. Berkeley Hills Books, 2000. ISBN 18-931-6313-X. Updated and expanded edition: Chet Baker: His Life and Music. Uitgeverij Aspekt, 2017. ISBN 9789461539786.
- Gavin, James. Deep in a Dream: The Long Night of Chet Baker. New York: Alfred A. Knopf, 2002.
- Ruddick, Matthew. Funny Valentine: The Story of Chet Baker. Melrose Books, 2012.
Eksterne skakels
wysig- Chet Baker by AllMusic
- Chet Baker in die Internet-rolprentdatabasis
- Chet Baker by Find a Grave
- "Baker, Chet", Encyclopedia of Oklahoma History and Culture.
- Chet Baker Materials from the papers of Diane Vavra, 1970–1989 by die Biblioteek van die V.S.A. Kongres