Citroën
Citroën is 'n Franse motorvervaardiger. Die maatskappy is in 1919 deur André-Gustave Citroën gestig en het die eerste massaproduksie-motorfabrikaat buite die VSA geword. Dit was die eerste maatskappy wat 'n verkoop- en diensnetwerk vir hul motorvoertuite tot stand te gebring het. Citroën is sedert 1976 deel van PSA Peugeot Citroën.[1]
| Automobiles Citroen S.A. | |
 | |
| Tipe | Société anonyme |
|---|---|
| Gestig | 1919 deur André Citroën |
| Hoofkantoor | Saint-Ouen, Frankryk |
| Gebied bedien | wêreldwyd |
| Industrie | Motorvervaardiging |
| Produkte | Motors, kommersiële voertuie |
| Divisies | DS, Peugeot, Bugatti |
| Webwerf | Citroën |
.jpg)
Geskiedenis
André Citroën het aan die begin van die 20e eeu 'n motorfabriek geopen. In 1919 bou Citroën die Tipe A, wat 'n groot sukses was. In 1922 kom die 5CV daarby. In die jare 1930 word die 2CV vrygestel, waarvan daar sowat 4 miljoen vervaardig is.
Kenteken
Die oorsprong van die kenteken kan teruggevoer word na 'n reis van die 22-jarige André Citroën na die stad Łódź in Pole, waar hy 'n innoverende ontwerp ontdek het vir 'n chevronvormige rat wat in freeswerk gebruik word. Hy het die patent vir die toepassing daarvan in staal gekoop. Meganies lewer 'n rat met spiraaltande 'n aksiale krag. Deur die toevoeging van 'n tweede heliese, teenoorstaande rat, word hierdie krag gekanselleer. Die twee chevrons van die kenteken verteenwoordig die onderlinge ineenstrengelling tussen die twee. Vroeë Citroënmotors se finale aandrywing in die agteras het van 'n visgraat-keëlrat gebruik gemaak.[2]
In Februarie 2009 het Citroën 'n nuwe handelsmerk-identiteit bekendgestel ter viering van sy 90ste bestaansjaar, ter vervanging van die 1977-ontwerp. Die nuwe kenteken is ontwerp deur Landor Associates [3] - 'n 3D-metaalvariasie van die dubbele chevronkenteken, asook 'n nuwe lettertipe vir die Citroënnaam en die nuwe slagspreuk "Créative Technologie".
Verwysings
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ The Autocar (c. 1919). Autocar Handbook (Ninth uitg.). London: Iliffe & Sons.
- ↑ / Communicate magazine Geargiveer 8 Oktober 2011 op Wayback Machine / Communicate magazine, June 2009
 Citroën
|
|||
| In produksie: Berlingo • C1 • C3 • C4 • C4 Cactus • C5 • DS3 • DS 4 • DS 5 • C-Elysée • Jumpy • Jumper • C-Triomphe
|
|||
|
Histories: Tipe A • C2 • 2CV • Acadiane • Ami 6 • Ami 8 • Ami Super • Axel • AX • BX • CX • C25 • C35 • Dyane • DS • ID • Evasion • GSA • H Van • LN • LNA • M35 • Rosalie • Saxo • SM • Traction Avant • TUB • Visa • XM • Xantia • Xsara • ZX | |||
| Wysig hierdie sjabloon | |||