Bosvaderlandswilg
Die Bosvaderlandswilg (Combretum kraussii) is 'n middelgroot tot groot boom[1] van oostelike Suid-Afrika, Eswatini en suidelike Mosambiek, wat binne of in die omgewing van woude aangetref word.[2] Die spesienaam roep Dr. F. Krauss in herinnering wat van 1838 tot 1840 'n versameltoer na Suid-Afrika onderneem het.[1]
| Bosvaderlandswilg | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Rosids |
| Orde: | Myrtales |
| Familie: | Combretaceae |
| Genus: | Combretum |
| Spesie: | C. kraussii
|
| Binomiale naam | |
| Combretum kraussii Hochst., 1844
| |
| Sinonieme | |
| |
Die plant se FSA-nommer is 540. [3] In Engels staan die boom bekend as forest bushwillow.[2]
Kenmerke wysig
Die bome is half-bladwisselend, aangesien lenteblare die ou loof net deels vervang. Hierdie woudbome word in die laatlente opvallend, wanneer hul vars blare verkleur na 'n bleek, byna wit kleur, voor dit teen midsomer na groen terugverkleur.[4] In die winter word die lower deels rooi of pers, wat net voor die blomtyd gewissel word.[5] Die vars trosse viervlerkige vrugte het aanvanklik 'n kleurryke rooi tot geelrooi kleur, voor dit verdroog na midbruin.[4]
Verwantskappe wysig
Die spesie is naverwant aan Combretum nelsonii[2][5] wat in meer rotsagtige habitat voorkom, en toon 'n ooreenkoms met Combretum woodii, 'n plant met groter blare en soortgelyke verspreiding, alhoewel in bosveld.[2]
Galery wysig
-
volgroeide boom -
rooi winterloof -
samara (vrug) -
verdroogde vrugte, winter
Sien ook wysig
Verwysings wysig
- ↑ 1,0 1,1 Le Roux, Lou-Nita. "Combretum kraussii" (in Engels). Geargiveer vanaf die oorspronklike op 24 Desember 2016. Besoek op 14 Oktober 2011.
- ↑ 2,0 2,1 2,2 2,3 Van Wyk, Piet (1997). Field Guide to the Trees of Southern Africa. Kaapstad: Struik. p. 332. ISBN 1-86825-922-6.
- ↑ https://www.treetags.co.za/national-list-of-indigenous-trees/
- ↑ 4,0 4,1 Palgrave, K.C. (1984). Trees of Southern Africa. Kaapstad: Struik. p. 670. ISBN 0-86977-081-0.
- ↑ 5,0 5,1 Pooley, Elsa (1997). The Complete Field Guide to Trees of Natal, Zululand & Transkei. Durban: Natal Flora Publications Trust. p. 358. ISBN 0-620-17697-0.
| Wikimedia Commons bevat media in verband met Bosvaderlandswilg. |