Maak hoofkeuseskerm oop

Consolidated PBY Catalina

Amerikaanse vliegboot

Die Consolidated PBY Catalina is 'n vliegboot wat onder andere as 'n bomwerper en patrollievliegtuig gebruik was tydens die Tweede Wêreldoorlog. Dit was ook gebruik om duikbote te soek en te kelder. Die PB beteken Patrol Bomber en die Y is die kode wat toegeken is aan Consolidated Aircraft.

Consolidated PBY Catalina
Consolidated PBY-5A Catalina in flight c1942.jpg
'n PBY-5A op patrollie, 1942-43
Tipe Bomwerper & Vliegboot
Vervaardiger Consolidated Aircraft
Nooiensvlug 21 Maart 1935
Status Nog in gebruik
Hoofgebruiker Amerikaanse Vloot

Britse Lugmag

OntwikkelingWysig

Die eerste prototipe, XP3Y-1 het op 21 Maart 1935 sy nooiensvlug voltooi. Die Consolidated Aircraft model-28 was die eerste vliegboot met kantelbalk vlerke. Daar was 'n bestelling geplaas vir sestig PBY-1 soos die eerste produksie vliegtuig bekend gestaan het. Die eerste vliegtuie is in Oktober 1936 afgelewer. 'n Volgende bestelling van 50 is in 1937/8 afgelewer. Gedurende 1938 is drie PBY-3 en 'n vervaardiging lisensie aan die USSR verkoop. Die USSR model, hernoem as GST, was toegerus met M-62 motors.

Nog bestellings vir 66 PBY-3's en 33 PBY-4's is aan die Amerikaanse Vloot afgelewer. Laasgenoemde model bevat die observasie borrels aan die kante van die vliegtuig wat kenmerkend van die meeste modelle daarna was.

Die Britse Lugmag het een model 28-5 in Julie 1939 ontvang vir evaluasie wat hulle opgevolg het met 'n bestelling van 50 vliegtuie soortgelyk aan die Amerikaanse Vloot model PBY-5. Die Britse naam vir die vliegtuig, Catalina, is daarna ook deur die Amerikaanse Vloot gebruik. Gedurende 1940 het die Britse Lugmag sy bestelling verdubbel. Bestellings was ook ontvang van Australië (18), Kanada (50), Frankryk (30) en Nederlands Oos-Indië (36).

Van die Amerikaanse Vloot se oorspronklike se bestelling vir 200 PBY-5's, is die laaste 35 afgelewer as PBY-5A (amfibiese vliegtuie) en 'n addisionele bestelling vir 134 was ook geplaas vir PBY-5A. Twaalf van hulle is oorgeplaas aan die Britse Lugmag as Catalina's III en twaalf meer was ingesluit in die Nederlands Oos-Indië bestelling.

Tegniese besonderhedeWysig

Besonderhede van die Consolidated PBY-5:
Item Statistiek
Aantal motors 2
Tipe motor Skroef
Vervaardiger Pratt & Whitney Twin Wasp Stermotors
Kraglewering per motor 1,200 perdekrag
Vlerkspan 31.70 m
Lengte 19,47 m
Hoogte 5,76 m
Maks. opstyg massa 12 283 kg
Maks. snelheid 306 km/h op 3,200 m
Operasionele hoogte 7 315 m
Togafstand 6 437 km
Bewapening Ses 0.303 Vickers masjiengewere.

BronWysig