Coracias
Coracias is 'n Ouwêreldse genus van voëls in die familie van troupante (Coraciidae). Hulle is tuis in boom- en bosveld en is kleurryk geveerd, met blou en bruin as die oorheersende kleure. Hul prooi is ongewerweldes en insekte wat hulle op die grond, in bome of in vlug vang nadat die omgewing van 'n wagpos af bespied is. Die twee buitenste voortone van elke poot is by die basis aan mekaar verbind.
| Coracias | |
|---|---|
| |
| 'n Volwasse Europese troupant (Coracias garrulus) in Spanje met honderdpoot-prooi | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Coracias Linnaeus, 1758
|
| Spesies | |
|
8, sien teks | |
| Sinonieme | |
|
Galgulus Brisson, 1760 | |
Taksonomie
wysig
Die genus Coracias is in 1758 deur die Sweedse natuurkundige Carl Linnaeus in die tiende uitgawe van sy Systema Naturae ingevoer.[1] Die genusnaam kom uit Grieks korakías (κορακίας),[2] wat heenwys op korax (κόραξ, ‘raaf, kraai’).[3] Aristoteles het die korakias beskryf as 'n voël van kraaigrootte met 'n rooi snawel,[4] wat volgens sommige die Alpekraai (genus Pyrrhocorax) kan wees.[5] Die tipespesie is in 1855 deur G.R. Gray aangedui as die Europese troupant (Coracias garrulus).[6][7] Die filogenetiese verwantskappe tussen die spesies is in 'n molekulêre studie van 2018 uiteengesit.[8]
Spesies
wysigDie volgende spesies behoort aan die genus:[9]
- Coracias cyanogaster — Bloupenstroupant
- Coracias naevius — Groottroupant
- Coracias spatulatus — Spatelsterttroupant
- Coracias caudatus — Gewone troupant
- Coracias abyssinicus — Saheltroupant
- Coracias garrulus — Europese troupant
- Coracias benghalensis — Indiese troupant
- Coracias affinis — Birmaanse troupant
- Coracias temminckii — Sulawesitroupant
Sien ook
wysigBron
wysig- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7
Verwysings
wysig- ↑ Linnaeus, Carl (1758). Systema Naturae per regna tria naturae, secundum classes, ordines, genera, species, cum characteribus, differentiis, synonymis, locis (in Latyn). Vol. 1 (10de uitg.). Holmiae (Stockholm): Laurentii Salvii. p. 107.
- ↑ André Jean François Marie Brochant de Villers; Alexandre Brongniart; Pierre Jean François Turpin (1818). Dictionnaire des sciences naturelles (in Frans). Levrault. p. 349.
- ↑ Craig, J. (1854). A New Universal, Technological, Etymological, and Pronouncing Dictionary of the English Language. p. 407.
- ↑ Camus, A.-G. (1783). Histoire des animaux d'Aristote (in Frans). Chez la veuve Desaint. p. 225.
- ↑ Griekse woordstudiehulp
- ↑ Gray, George Robert (1855). Catalogue of the Genera and Subgenera of Birds Contained in the British Museum. Londen: Britse Museum. p. 13.
- ↑ Peters, James Lee, red. (1945). Check-List of Birds of the World. Vol. 5. Cambridge, Massachusetts: Harvard University Press. p. 241.
- ↑ Johansson, U. S.; Irestedt, M.; Qu, Y.; Ericson, P. G. P. (2018). "Phylogenetic relationships of rollers (Coraciidae) based on complete mitochondrial genomes and fifteen nuclear genes". Molecular Phylogenetics and Evolution. 126: 17–22. doi:10.1016/j.ympev.2018.03.030. PMID 29631051. S2CID 5011292.
- ↑ Gill, F., Wright, M. & Donsker, D. (2010). IOC World Bird Names (weergawe 2.6). (en)
