Wikipedia

Bastille (musiekgroep)

(Aangestuur vanaf Dan Smith (Bastille))
Hierdie artikel handel oor die musiekgroep, vir ander gebruike sien Bastille (dubbelsinnigheidsbladsy)

Bastille, gestileer BΔSTILLE, is 'n Britse indie-rockgroep wat in 2010 in Londen gevorm is. Die groep het begin as 'n solo-projek deur Dan Smith, die groep se hoofsanger en skrywer. Smith het later besluit om die solo-projek in 'n groep te transformeer. Bastille bestaan uit vier lede: Dan Smith, Kyle Simmons, Will Farquarson en Chris Wood. Die groep se naam het ontstaan van die Franse Nasionale Dag, Bastilledag, 'n gebeurtenis wat op hoofsanger Dan Smith se verjaardag, 14 Julie, plaasvind.

Bastille
Bastille te Coachella in 2014 Van Links: Kyle Simmons, Will Farquarson, Chris 'Woody' Wood en Dan Smith
GenresIndie rock, Pop rock, Synthpop
Jare aktief2010 — hede
EtiketteVirgin, Virgin EMI, Capitol Music, Universal Music Group
AssosiasiesDan Smith, To Kill A King, TYDE, Annie Oakley Hanging
Webwerfhttp://www.bastillebastille.com

In Desember 2010 het EMI aangekondig dat hulle die groep 'n platekontrak aangebied het deur Virgin Records.[1] Hul debuut enkelsnit, "Overjoyed" was sodoende in April 2012 bekendgestel. Die groep se eerste studio album, getitel Bad Blood, was in Maart van 2013 bekendgestel. Hierdie album het sy debuut gemaak op die "UK Albums Chart" in eerste posisie.[2] Hulle was genomineer vir vier Brit Awards tydens die 2014 seremonie. Die vier nominasies was vir "British Breakthrough Act", "British Group", "British Single of the Year" en "British Album of the Year". Hulle het die Brit Award gewen vir "British Breakthrough Act".[3]

Die groep het tot hede oor die 2.07 miljoen plate verkoop in die Verenigde Koninkryk.[4]

Geskiedenis

wysig

Stigting en Vroeë Bekendstellings

wysig

Die orkes het aanvanklik twee addisionele musikante gehad wat die cello en viool gespeel het. Die groep het intussen tot die huidige vier lede verklein. Smith, Simmons, Wood en Farquarson het voor die stigting van die groep saam musiek gespeel. Smith skryf al die musiek vir die groep. Bastille het hul debuut gemaak met hul eerste beperkte uitgawe, 7"/45 rpm enkelsnit, in Junie 2010. Die plaat het twee snitte, "Flaws" en "Icarus", bevat. Slegs 300 van die plate was gedruk en bekendgestel deur die 'Young & Lost Club', platemaatskappy wat in Londen gebaseer is. Hierdie was deur die bekendstelling van Laura Palmer opgevolg in 2011. Hierdie snit was in die wêreld-bekende rekenaarspeletjie, The Sims 3, gebruik. Die groep het toenemende aandag ontvang vanaf aanhangers sowel as die media nadat hulle nog enkelsnitte bekendgestel het op sosiale netwerke soos YouTube en MySpace. Hulle het sodoende meer optredes by bekende musiekfeeste in die Verenigde Koninkryk gewerf soos die Glastonbury Festival. Die groep se musiek is in verskeie televisieprogramme gebruik soos Hollyoaks, Made in Chelsea en The Vampire Diaries.[5]

Die groep het ook twee albums bekendgestel wat samestellings en dekbande van verskeie kunstenaars soos David Guetta,TLC en Fleetwood Mac bevat.

Bad Blood en All This Bad Blood (2012–hede)

wysig
 
Bastille tydens 'n konsert te Queens' College May Ball, 2013

Op 27 April 2012 het die groep hul eerste amptelike enkelsnit, 'Overjoyed', bekendgestel deur die platemaatskappy 'Virgin Records', soos bevestig deur EMI op 1 Mei 2012. Die tweede enkelsnit van die komende debuut studio-album, was die titel-snit 'Bad Blood' gewees. 'n Meegaande video van díe enkelsnit was op die groep se amptelike VEVO-kanaal op 29 Junie 2012 bekendgestel. 'n digitale weergawe van die snit was deur Virgin Records op 20 Augustus 2012 bekendgestel. Bastille was gedurende Julie 2012 deur die Britse koerant, The Gaurdian, as die 'Nuwe Groep van die Dag' genoem. Die enkelsnit 'Bad Blood' het in die VK op nommer 90 gedebuuteer. Díe was die groep se eerste verskynsel op die trefferlys. In Augustus 2012 het die groep by verskeie feeste opgetree in die VK, onder andere Reading en Leeds. Hulle het op 'n klein toer gegaan met die titel "Flaws Tour' gedurende Oktober 2012, met 'Swiss Lips' as hul voorprogram. Hul derde enkelsnit, 'n hervrystelling van hul eerste nie-album bekendstelling, getiteld 'Flaws' was 'n kommersiële sukses. Hierdie enkelsnit het Bastille hul eerste verskyning op die 'UK Top 40' trefferlys verwerf, met 'n debuut-posisie van nommer een-en-twintig.

 
Dan Smith by die Provinssirock Fees 2013 in Seinäjoki, Finland

In Februarie 2013 het Bastille hul vierde enkelsnit, 'Pompeii', vanaf Bad Blood aangekondig. Die liedjie was positief opgeneem deur resensente en het die tweede posisie gehaal in die Verenigde Koninkryk en vyfde in die Verenigde State van Amerika. Bastille se debuut album, 'Bad Blood', was op 4 Maart 2013 vrygestel en het die top posisie gehaal op die UK Albums Chart. Op 11 Maart 2013 was daar aangekondig dat Bastille tydens die Leeds en Reading Fees gedurende Augustus 2013 sal optree. In 'n onderhoud met Digital Spy in Maart 2013 was daar deur die hoofsanger, Dan Smith, aangekondig dat 'Laura Palmer' die vyfde enkelsnit vanaf Bad Blood sal wees. Dit was op 3 Junie 2013 met 'n meegaande video op die groep se VEVO-kanaal bekendgestel. Bastille het by die Engelse rock-groep Muse aangesluit vir hul 'The 2nd Law' toer gedurende Mei 2013 en weer in Junie 2013. Die groep het in Mei 2013 hul Haunt EP in die VSA deur die iTunes web-winkel bekendgestel. Op Saterdag 6 Julie het Bastille hul eerste hoofkonsert by die somer Blissfieldsfees. Smith, die hoofsanger, was aangehaal "Ons is baie opgewonde om ons eerste hoofkonsert by 'n somerfees te kan hê. Veral omdat ons Blissfields baie lief het en omdat hul so ondersteunend was die laaste paar jaar." Die optrede het saamgeval met die groep se eerste verskyning op 'n nasionale musiek publikasie, Notion Magazine. 'Things We Lost In The Fire' was op 24 Augustus 2013 bekendgestel as die sesde en laaste enkelsnit vanaf die groep se debuut album. Die meegaande video was in Vilnius en Kėdainiai, Lithuanië verfilm. Op 3 September 2013 was Bastille se debuut album in die VSA vrygestel op die web-winkel iTunes.

Bastille het op 9 Oktober 2013, 'n nuwe enkelsnit, "Of the Night", 'n mengelmoes van die liedjies "The Rhythm of the Night" deur Corona en "Rhythm Is a Dancer" deur Snap!. Die enkelsnit het in tweede posisie op die UK Singles Chart gedebuuteer. Die liedjie het die groep se vrystelling van All This Bad Blood, 'n heruitreiking van hul debuut album bevorder. All This Bad Blood was op 25 November 2013 uitgereik.

In Januarie 2014, het Will Farquarson in 'n onderhoud met Billboard-tydskrif gesê dat die groep reeds begin het met hul tweede studio-album.

Bastille het tydens die 2014 BRIT Awards die toekenning vir die 'British Breakthrough Act' verower. Hul het op die aand saam met die Britse groep Rudimental opgetree met 'n hermengde weergawe van hul treffer, 'Pompeii', saam met Rudimental se liedjie 'Waiting All Night'. Twee ure na die optrede by die toekeningsgeleentheid was Bastille se album verkope van Bad Blood op met 132%. Dit het die groep 'n tweede week in die eerste posisie op die UK Album Chart verower. Hul treffer 'Pompeii' het nege-en-twintig posisies geklim op die UK Singles Chart.

Bastille het op 25 Januarie 2014 op Saturday Night Live verskyn en opgetree.

Op April 1 2014, het die Official Charts Company aangekondig dat Bad Blood die topverkopende digitale album van 2013 was en Nommer 11 in die algehele 'Official Artist Albums' se Top 40 van 2013.

Diskografie

wysig

Studio albums

wysig
Lys van studio albums, met sekere trefferlys-posies en sertifisering
Titel Album besonderhede Top trefferlys-posisies Sertifisering
VK
[6] 		AUS
[7] 		Oostenryk
[8] 		BEL
[9] 		KAN
[10] 		GER
[11] 		IER
[12] 		NLD
[13] 		NZ
[14] 		SWI
[15] 		VSA
[16]
Bad Blood 1 10 31 6 19 23 5 22 28 15 11
Wild World 1 7 5 2 7 6 2 – 12 5 4
Doom Days 4 21 10 5 30 9 18 – 30 8 5
Give Me the Future
  • Bekendgestel: 2022
  • Uitgewer(s):
  • Formaat:
 – – – – – – – – – – –

Groeplede

wysig
  • Dan Smith, 14 Julie 1986 (ouderdom 30) – hoofsanger, klawerbord, slaginstrumente, vervaardiger, liedskrywer
  • Chris "Woody" Wood, – tromme, agtergrondsanger
  • Kyle Simmons, 5 Februarie 1988 (ouderdom 28) – klawerbord, slaginstrumente, bas, agtergrondsanger
  • William Farquarson, 22 September 1983 (ouderdom 33) – bas, klawerbord, kitaar, akoestiese kitaar, agtergrondsanger
  • Charlie Barnes, 31 Mei 1989 (ouderdom 27) – klawerbord, slaginstrumente, bas, agtergrondsanger

Addisionele personeel

wysig
  • Polly Comber (Black Fox Management) – Bestuurder
  • Josh Smith (Black Fox Management) – Bestuurder
  • Paul "Coop" Cooper – Regstreekse ingenieur
  • Jamie Thompson – Beligting Ontwerper
  • Tom Middleton – Filmograaf
  • Martin McAndrew – Verhoogwerker
  • Ben Kingman – Monitor Ingenieur
  • Will Dart – Beligting Ingenieur
  • Dick Meredith – Toer Bestuurder
  • Gregory Nolan – Fotograaf
  • Mark Crew – Vervaardiger

Toekennings en nominasies

wysig
Jaar Organisasie Toekenning Werk Uitslag
2013 MTV Europe Music Awards Best Push[24] Hulself Genomineer
Beste Nuweling[25] Hulself Genomineer
2014 Brit Awards British Breakthrough Act[26] Hulself Gewen
Britse Groep[26] Genomineer
Britse Enkelsnit van die Jaar[26] "Pompeii" Genomineer
Britse Album van die Jaar[26] "Bad Blood" Genomineer
Billboard Music Awards New Artist of the Year[27] Hulself Wagtend
World Music Awards Beste Lied[28] "Of the Night" Wagtend
"Pompeii" Wagtend
Beste Video[28] "Of the Night" Wagtend
"Pompeii" Wagtend
Beste Album[28] "Bad Blood" Wagtend
Beste Groep[28] Hulself Wagtend
Beste Regstreekse Optrede[28] Wagtend
mtvU Woodie Awards Best Cover Woodie[29] Miley Cyrus' "We Can't Stop" Gewen
Breaking Woodie[29] Hulself Genomineer
iHeart Radio Music Awards Alternatiewe Rock Lied van die Jaar[30] "Pompeii" Genomineer

Notas

wysig
Hierdie artikel is in sy geheel of gedeeltelik vanuit die Engelse Wikipedia vertaal.

Verwysings

wysig
  1. ↑ "EMI Music | Bastille and Eric Prydz join Virgin Records". Geargiveer vanaf die oorspronklike op 7 Januarie 2012. Besoek op 18 Mei 2014.
  2. ↑ 2013-03-16 Top 40 Official UK Albums Archive | Official Charts
  3. ↑ "Brits 2014: Nominations in full". Bastille also performed with Rudimental at the Brits. BBC News. Besoek op 9 Januarie 2014
  4. ↑ Myers, Justin (19 Februarie 2014). "The BRIT Awards 2014: The biggest selling nominees revealed" (in Engels). Official Charts Company. Geargiveer vanaf die oorspronklike op 6 Oktober 2014.
  5. ↑ "With the launch of their debut album 'Bad Blood', Bastille's day in the sun has arrived… the first of many". JOE.ie (in Engels). Geargiveer vanaf die oorspronklike op 6 Oktober 2014. Besoek op 23 April 2014.
  6. ↑ "Bastille" (select "Albums" tab) (in Engels). Official Charts Company. Geargiveer vanaf die oorspronklike op 6 Oktober 2014. Besoek op 14 Maart 2014.
  7. ↑ "Discography Bastille". australian-charts.com (in Engels). Hung Medien. Geargiveer vanaf die oorspronklike op 18 Desember 2018. Besoek op 14 Maart 2014.
  8. ↑ "Discographie Bastille". austriancharts.at (in Duits). Hung Medien. Geargiveer vanaf die oorspronklike op 13 Februarie 2020. Besoek op 14 Maart 2014.
  9. ↑ "Discographie Bastille". ultratop.be (in Nederlands). Hung Medien. Geargiveer vanaf die oorspronklike op 27 Januarie 2015. Besoek op 14 Maart 2014.
  10. ↑ [[[:Sjabloon:BillboardURLbyName]] "Bastille – Chart History: Canadian Albums"]. Billboard. Prometheus Global Media. Besoek op 14 Maart 2014. {{cite web}}: Check |url= value (hulp)
  11. ↑ "Chartverfolgung / Bastille / Longplay". musicline.de (in Duits). Media Control Charts. Geargiveer vanaf die oorspronklike op 4 Maart 2016. Besoek op 14 Maart 2014.
  12. ↑ "Discography Bastille". irish-charts.com (in Engels). Hung Medien. Geargiveer vanaf die oorspronklike op 29 Oktober 2018. Besoek op 14 Maart 2014.
  13. ↑ "Discografie Bastille". dutchcharts.nl (in Nederlands). Hung Medien. Geargiveer vanaf die oorspronklike op 10 Desember 2017. Besoek op 14 Maart 2014.
  14. ↑ "Discography Bastille". charts.org.nz. Hung Medien. Geargiveer vanaf die oorspronklike op 20 Desember 2013. Besoek op 14 Maart 2014.
  15. ↑ "Discography Bastille". swisscharts.com (in Duits). Hung Medien. Geargiveer vanaf die oorspronklike op 29 Maart 2014. Besoek op 14 Maart 2014.
  16. ↑ [[[:Sjabloon:BillboardURLbyName]] "Bastille – Chart History: Billboard 200"]. Billboard. Prometheus Global Media. Besoek op 14 Maart 2014. {{cite web}}: Check |url= value (hulp)
  17. ↑ "Bad Blood". Amazon.co.uk. Besoek op 14 Maart 2014.
  18. ↑ 18,0 18,1 "Certified Awards". British Phonographic Industry. Geargiveer vanaf die oorspronklike (enter "Bastille" into the "Keywords" box, then select "Search") op 1 Augustus 2017. Besoek op 14 Maart 2014.
  19. ↑ "ARIA Charts – Accreditations – 2014 Albums" (in Engels). Australian Recording Industry Association. Geargiveer vanaf die oorspronklike op 9 Maart 2020. Besoek op 14 Maart 2014.
  20. ↑ "Gold-/Platin-Datenbank: Bastille" (in Duits). Bundesverband Musikindustrie. Geargiveer vanaf die oorspronklike op 4 Maart 2016. Besoek op 14 Maart 2014.
  21. ↑ Sjabloon:Cite certification
  22. ↑ "2013 Certification Awards – Gold" (in Engels). Irish Recorded Music Association. Geargiveer vanaf die oorspronklike op 11 Julie 2018. Besoek op 22 Maart 2014.
  23. ↑ Sjabloon:Certification Cite Ref
  24. ↑ "MTV EMA 2013 :: Winners". Besoek op 12 Maart 2014.[dooie skakel]
  25. ↑ "MTV EMA 2013 :: Winners". Besoek op 30 April 2014.[dooie skakel]
  26. ↑ 26,0 26,1 26,2 26,3 "Brits 2014: Winners in Full" (in Engels). Geargiveer vanaf die oorspronklike op 24 April 2019. Besoek op 12 Maart 2014.
  27. ↑ "Finalist List – Billboard Music Awards 2014" (in Engels). Geargiveer vanaf die oorspronklike op 16 Mei 2014. Besoek op 27 April 2014.
  28. ↑ 28,0 28,1 28,2 28,3 28,4 "World Music Awards :: WMA 2014" (in Engels). Geargiveer vanaf die oorspronklike op 23 Oktober 2019. Besoek op 27 April 2014.
  29. ↑ 29,0 29,1 "2014 mtvU Woodie Awards | Winners" (in Engels). Geargiveer vanaf die oorspronklike op 21 September 2015. Besoek op 27 April 2014.
  30. ↑ "iHeart Radio Music Awards". Geargiveer vanaf die oorspronklike op 1 Februarie 2015. Besoek op 27 April 2014.
Ontsluit van "https://af.wikipedia.org/w/index.php?title=Bastille_(musiekgroep)&oldid=2681577"