Dawid van Lill
Dawid Johannes van Lill (gebore 15 Februarie 1957) is 'n skrywer, joernalis, vertaler en redakteur wat spesialiseer in die skep van vasvraprogramme vir radio, televisie, tydskrifte en die internet. Hy het meer as 2 000 episodes van radiovasvrae gekonseptualiseer, saamgestel en aangebied, en vrae vir 'n aantal TV-vasvrae saamgestel.
Hy het die sportafdeling vir die South African Encyclopaedia (vir MWeb Learning) bygedra, vrae vir die vorige Suid-Afrikaanse weergawe van Trivial Pursuit saamgestel en die vrae en antwoorde vir vyf reekse van The Weakest Link geverifieer. In 1984 en 1986 was hy die wenner van die gewilde TV-vasvrareeks Flinkdink en hy is ook die skrywer van verskeie boeke. Dawid is tans die uitvoerende hoof van Think Media, 'n vasvra- en trivia-maatskappy.
Lewe en loopbaan wysig
Dawid van Lill is in 1957 in Suidwes-Afrika (Namibië) gebore. Hy het in 1984 aan die Universiteit Stellenbosch gegradueer met 'n meestersgraad in Teologie. In 1984 en 1986 was hy die wenner van die gewilde TV-vasvrareeks Flinkdink. Hy het in 1985 by die SAUK aangesluit, en het ná sy Flinkdink-ervaring 'n bekende radiopersoonlikheid geword. Van 1985 tot 1997 was hy 'n omroeper by die SAUK, waar hy vasvra- en trivia-programme vir radio geskep, saamgestel en aangebied het.
In 1998 het Dawid en sy vrou, Marina, Think Media, 'n navorsingsmaatskappy, gestig. In 2000 en 2001 het Think Media die vrae en skrifte vir vasvraprogramme soos "100%, Blitsvinnig" en "Vat 'n Kans!" Hulle het ook vrae saamgestel vir die M-Net-sportvasvraprogram Going for Gold, asook vir twee reekse van die SABC 3-vasvraprogram Greed, e.tv se Mahala on e en hy was ’n konsultant en navorser vir SABC2 se Flinkdink en SABC3 se Weakest Link . Think Media het die vrae verskaf vir die M-Net-vasvrareeks Temptation en Are You Smarter than a 5th Grader? Hy skryf ook die Sport-afdeling van die Suid-Afrikaanse Ensiklopedie (wat in April 2001 op M-Web verskyn het).
Dawid het ook algemene kennisvrae vir 'n Suid-Afrikaanse weergawe van Trivial Pursuit saamgestel. Ander prestasies sluit vasvra- en trivia-boeke in, sowel as 'n aantal boeke oor Afrika, insluitend Amazing Africa, [1] Amazing Animals of Southern Africa, Wonders of Africa en Mensgemaakte Wonders van Afrika. Sy stokperdjies sluit in lees, flieks, reis, sport en algemene kennis.
In 2000 het Dawid en sy vrou, Marina, 'n Algemene Kennis- en Nuusvasvraprogram vir skole en die publiek begin, genaamd EK WEET![2]
Hy versamel ook boeke oor alles en nog wat 'n mens se algemene kennisrepertorium sal verryk. Hy is ook lief vir 'n goeie whodunit. Een van sy spesialiteite is die versameling van inligting en boeke oor sport, veral rugby, krieket, atletiek en tennis.
“Ongeneesbare nuuskierigheid is duisend keer beter as terminale onkunde.”
Boeke wysig
| Titel | Jaar | Uitgewer |
|---|---|---|
| Ontdek die Bybel (Larousse) Editor | 1993 | Daan Retief |
| Die Groot Familievasvraboek | 1998 | Human & Rousseau |
| The Big Family Quiz Book | 1998 | Human & Rousseau |
| Wat 'n Vraag! | 2001 | Human & Rousseau |
| Fassinerende Feite | 2000 | LAPA Uitgewers |
| Van Lill's South African Miscellany | 2004 | Zebra Press |
| Van Lill se Suid-Afrikaanse Trivia | 2004 | Zebra Press |
| Wonderlike Afrika | 2004 | LAPA Uitgewers[3] |
| Amazing Africa | 2007 | LAPA Uitgewers |
| Van Lill's South African Sports Trivia | 2005 | Zebra Press |
| Wonderlike Diere | 2005 | LAPA Uitgewers |
| Amazing Animals | 2007 | LAPA Uitgewers |
| Wonders van Afrika | 2006 | LAPA Uitgewers |
| Wonders of Africa | 2006 | LAPA Uitgewers |
| African Wildlife Trivia | 2008 | Struik Uitgewers |
| Afrika se Natuur-trivia | 2008 | Struik Uitgewers |
| Manmade Wonders of Africa | 2008 | LAPA Uitgewers |
| Mensgemaakte Wonders van Afrika | 2008 | LAPA Uitgewers |
| Britannica Junior vir Suidelike Afrika (Editor) | 2010 | Jacklin Enterprises |
| Amazing Africa (New edition) | 2010 | LAPA Uitgewers |
| Wonderlike Afrika (New edition) | 2010 | LAPA Uitgewers |
TV-vasvrae wysig
Stel vrae saam
| Nr. | Titel | Stasie | Jaar | Episodes |
|---|---|---|---|---|
| 1 | 100% | kykNET | 2000 | 30 |
| 2 | Blitsvinnig | kykNET | 2000 | 26 |
| 3 | Going for Gold | M-Net | 2000 | 26 |
| 4 | Greed | SABC3 | 2000 | 26 |
| 5 | Mahala on e | e.tv | 2001 | 20 |
| 6 | Waag 'n kans | M-Net | 2001 | 13 |
| 7 | Flinkdink 1 | SABC2 | 2003 | 13 |
| 8 | Flinkdink 2 | SABC2 | 2004 | 13 |
| 9 | Flinkdink 3 | SABC2 | 2005 | 13 |
| 10 | Genius | SABC1 | 2004 | 26 |
| 11 | Mega Minds | SABC1 | 2004 | 13 |
| 12 | Whizz Quiz | SABC1 | 2004 | 13 |
| 13 | Friday Face-Off | SABC1 | 2004 | 39 |
| 14 | Test the Nation | SABC2 | 2005 | 01 |
| 15 | Sho't Left | SABC2 | 2005 | 07 |
| 16 | In die Kryt | kykNET | 2005 | 08 |
| 17 | Tweestryd | kykNET | 2006 | 26 |
| 18 | Beautiful Country | SABC2 | 2006 | 13 |
| 19 | Om-i-Wêreld 1 & 2 | kykNET | 2006 | 52 |
| 20 | Dlala Skhokho 1 | SABC1 | 2006 | 26 |
| 21 | Dlala Skhokho 2 | SABC1 | 2007 | 26 |
| 22 | Treasure Hunter | SABC3 | 2006 | 26 |
| 23 | Temptation: SA | M-Net | 2006 | 30 |
| 24 | Temptation: Nigeria | M-Net | 2006 | 26 |
| 25 | Eish! I know! 1 | SABC2 | 2007 | 13 |
| 26 | Eish! I know! 2 | SABC2 | 2008 | 13 |
| 27 | Are you smarter than a 5th Grader? | M-Net | 2008 | 13 |
| 28 | SoccaGame | SABC1 | 2010 | 13 |
Verwysings wysig
- ↑ "Amazing Africa". LAPA. Geargiveer vanaf die oorspronklike op 20 Maart 2012.
- ↑ "About I KNOW!". Dawid van Lill. Geargiveer vanaf die oorspronklike op 18 Oktober 2016. Besoek op 23 Mei 2013.
- ↑ "Skrywersprofiel: Dawid van Lill" [Authors Profile: Dawid van Lill]. LAPA. Geargiveer vanaf die oorspronklike op 28 Desember 2010.