Wikipedia

Denis Matsuev

Denis Leonidovich Matsuev (/ma'tsujef/; Russies: Дени́с Леони́дович Мацу́ев; * 11 Junie 1975) is 'n Russiese pianis. Hy is 'n klassieke pianis, maar speel ook van tyd tot tyd jazzmusiek.

Denis Matsuev
Денис Мацуев
Volkskunstenaar van Rusland
Agtergrondinligting
Gebore11 Junie 1975 (1975-06-11) (49 jaar oud)
Irkoetsk, Russiese Sowjet Federale-Sosialistiese Republiek, Sowjetunie
GenresKlassieke musiek, jazzmusiek
Beroep(e)Pianis
EtiketteRCA Red Seal Records

Biografie

wysig

Hy is gebore in Irkoetsk, Rusland (destyds deel van die Sowjetunie), en is die enigste kind van twee musikante. Sy moeder is 'n klavieronderwyseres en sy vader 'n pianis en komponis. Hy het op 3-jarige ouderdom sy aanleg vir musiek getoon toe hy 'n melodie, wat hy op televisie gehoor het, by die huis op die klavier gespeel het.[1] Sy vader het daarna sy eerste klavieronderwyser geword. Matsuev het tot op die ouderdom van vyftien musiek in Irkoetsk gestudeer. In 1990 het hy 'n prys tydens die "New Names Charitable Foundation"-kompetisie in Irkoetsk gewen en 'n studiebeurs ter waarde van $1 000 per maand van die stigting ontvang om musiek in Moskou te studeer.[1] Hy het saam met ander jong begaafde musikante van regoor Rusland in Europa en die Verenigde State gaan toer.[2]

In 1991 het Matsuev saam met sy ouers na Moskou verhuis om sy musikale opleiding voort te sit. Hy het gestudeer aan die Sentrale Musiekskool aan die Moskou Konservatorium. In 1994 het hy deelgeneem aan sy eerste internasionale klavierkompetisie in Johannesburg, Suid-Afrika, waar hy met die Grand Prix bekroon is. In dieselfde jaar het hy die Moskouse Konservatorium betree as student van Aleksey Nasedkin. Na 1997 het hy onder Sergei Dorensky gestudeer. Matsuev het die 11de internasionale Tsjaikofski-kompetisie in 1998 op 23-jarige ouderdom gewen.[3][4][5]

 
'n Konsertsaal in Irkoetsk wat vernoem is na Matsuev, en wat dien as hoofkwartier van die "Stars on Baikal"-fees

Matsuev is artistieke mede-direkteur van die internasionale "Annecy Classic Festival" in Annecy, Frankryk, saam met Pascal Escande. Hy is ook die organiseerder en artistieke direkteur van twee internasionale feeste in Rusland: "Stars on Baikal" in sy geboortestad Irkoetsk, en die jaarlikse musiekfees "Crescendo".[1]

In 2012 het Matsuev[6] artistieke direkteur van die 1ste Internasionale "Astana Piano Passion"-fees en -kompetisie geword, en in 2013 was hy artistieke direkteur van die Internasionale Fees en kompetisie "Sberbank DEBUT" in Kiëf.

 
'n Jazzaand tydens die "Crescendo"-fees, 2018

Matsuev en 80 ander Russiese kunstenaars het 'n brief onderteken "ter ondersteuning van President Wladimir Poetin oor die Oekraïne en die Krimskiereiland."[7]

In Februarie 2014 was Matsuev 'n vlamdraer tydens die Olimpiese Winterspele 2014 in Sotsji,[8] hy het ook opgetree tydens die sluitingsseremonie.[9]

In 2018 is die Russiese Orde van Eer aan Matsuev toegeken.

In 2022 is Matsuev se beplande optrede saam met die Weense Filharmoniese Orkes in New York van 25 Februarie 2022 gekanselleer, weens sy ondersteuning van Rusland se spesiale militêre operasie in die Oekraïne. Hy is vervang deur die pianis Seong-Jin Cho.[10]

Pryse, titels en eerbewyse

wysig
 
Die Orde van Eer word in 2018 aan Matsuev toegeken deur President Wladimir Poetin.
  • UNESCO Ambassadeur[11]
  • Orde van Eer, 2018[12]
  • Russiese Nasionale Musiekprys - Beste Instrumentalis in Klassieke musiek, 2016,[13] 2017,[14] 2018,[15] 2019;[16] Spesiale prys vir Uitsonderlike Vaardighede, 2015[17]

Diskografie

wysig
  • Haydn, Liszt, Tsjaikofski, Prokofiëf. © & (P) 1997 New Names.
  • Haydn, Chopin, Liszt, Rachmaninoff, Prokofiëf. © & (P) Vivendi, 1999.
  • Beethoven, Tsjaikofski, Liszt, Prokofiëf. Collection Etoiles. Regstreekse opname – Eglise Notre-Dame d'Auvers-sur-Oise, 27 Mei 2000.
  • Liszt: Mephisto Wals S.514, Schumann: Simfoniese Etudes Op. 13, Schubert: Klaviersonate No. 14 in A mineur D.784. Sacrambow (Japan), © & (P) 2000 JAPAN ARTS.
  • Classic Masterpieces. Boedapest Filharmoniese orkes. Dirigent Rico Saccani. Tsjaikofski – Klavierconcertos Nos. 1 & 2. Solis: Denis Matsuev. © & (P) 2003 Independent Music & Media Alliance LTD.
  • Tribute to Horowitz. Liszt, Bizet-Horowitz, Rossini-Ginzburg. (P) & © 2004 BMG Russia.
  • Strawinski – Vuurvoël Suite, Schedrin – Klavierconcerto No. 5. Mariss Jansons – Symphonieorchester des Bayerischen Rundfunks – © 2005 Sony BMG Music Entertainment
  • Strawinski & Tsjaikofski. I. Strawinski – Drie Bewegings uit Petroesjka; P. I. Tsjaikofski – Die Seisoene. RCA Red Seal. (P) & © 2005 Sony BMG Music Entertainment.
  • Tsjaikofski: Klavierconcerto No. 1 & Sjostakowitsj: Concerto vir Klavier, Trompet en Strykinstrumente. St Petersburg PO/Temirkanov. RCA Red Seal (P) & © 2007 Sony BMG Music Entertainment.
  • Unknown Rachmaninoff, 18 Maart 2008, RCA Red Seal.
  • The Carnegie Hall Concert – Denis Matsuev (20 Oktober 2009) RCA Red Seal.
  • Rachmaninoff Klavierconcerto No. 3, Rapsodie op 'n Tema van Paganini – Denis Matsuev, Gergijef en die Mariinsky Orkes (9 Februarie 2010)
  • Franz Liszt. Russiese Nasionale Orkes en Mikhail Pletnev. Sony Music Entertainment (Rusland), 2011.
  • Franz Liszt – Klavierconcertos nos. 1 & 2 Totentanz; Orpheus ; Héroïde funèbre. [New York]: Sony, 2011.
  • Sjostakowitsj, Dmitri, Waleri Gergijef, en Rodion Schedrin. Klavierconcertos nos. 1 & 2. Staatsakademie Mariinsky Teater, 2011.
  • Rachmaninoff Klavierconcerto No. 2; Gershwin: Rhapsody In Blue. Sony Bmg Music, 2013.
  • Szymanowski: Symphonieë Nos. 3 & 4, Stabat Mater. Londen Simfonieorkes, Waleri Gergijef (dirigent), Denis Matsuev (solis), Koor van die Londense Simfonieorkes (Orkes) Formaat: Oudio CD, 2013LSO Regstreekse opname
  • Tsjaikofski: Klavierconcertos Nos. 1 & 2 Denis Matsuev (solis), Mariinsky Orkes, Waleri Gergijef (dirigent), Pjotr Iljitsj Tsjaikofski (komponis), Formaat: Oudio CD, 2014 Mariinsky plate-etiket
  • Prokofiëf: Klavierconcerto No. 3, Simfonie No. 5 Denis Matsuev (solis), Mariinsky Orkes, Waleri Gergijef (dirigent), Sergei Prokofiëf (komponis), Formaat: Oudio CD, 2014 Mariinsky plate-etiket
  • Rachmaninoff klavierconcerto No. 1 (1917 weergawe), Strawinski, Capriccio vir Klavier en orkes (1929), Schedrin, Klavierconcerto No. 2 (1936) Denis Matsuev, klavier, die Mariinsky Orkes gedirigeer deur Waleri Gergijef. Mariinsky plate-etiket 2015.
  • Rachmaninoff Klavierconcerto No. 2, Prokofiëf, Klavierconcerto No. 2. CD, Mariinky plate-etiket Januarie 2018

Verwysings

wysig
  1. ↑ 1,0 1,1 1,2 Alison Smale (3 April 2007). "Denis Matsuev: A Russian pianist's quest to make classical music relevant". The New York Times. Besoek op 3 April 2007.
  2. ↑ Elena Ragozhina (23 Junie 2011). "From new names to Crescendo: Denis Matsuev". New Style. Geargiveer vanaf die oorspronklike op 3 November 2013.
  3. ↑ Denis Matsuev. F.Liszt piano concert №1 (part 1), 1998. op YouTube
  4. ↑ Denis Matsuev. 1998 F.Liszt piano concert №1 (part 2) op YouTube
  5. ↑ Anthony Tommasini (26 Februarie 2010). "Two Young Pianists, Forging Connections". The New York Times. Besoek op 26 Februarie 2010.
  6. ↑ Jean-Pierre Thiollet, 88 notes pour piano solo, "Solo nec plus ultra", Neva Editions, 2015, pp. 51, 126. ISBN 978-2-3505-5192-0
  7. ↑ "Russian cultural stars back Putin on Crimea". Deccan Chronicle (in Engels). 13 Maart 2014. Besoek op 21 Junie 2022.
  8. ↑ "Denis Matsuev het die vlamdrae-aflos in Irkoetsk voltooi". Geargiveer vanaf die oorspronklike op 30 Maart 2022. Besoek op 3 Oktober 2023.
  9. ↑ Alex Heigl (23 Februarie 2014). "Meet Olympics Closing Ceremony Piano Virtuoso Denis Matsuev". People. Besoek op 21 Desember 2014.
  10. ↑ Tsioulcas, Anastasia (24 Februarie 2022). "Russian conductor pulls out of New York concerts after supporters of Ukraine protest". NPR.
  11. ↑ "Биография Дениса Мацуева". RIA News Russia (in Russies). 11 Junie 2015. Besoek op 1 Augustus 2020.
  12. ↑ "Rusland se President, Wladimir Poetin, ken die Orde van Eer toe aan die pianis Denis Matsuev". Geargiveer vanaf die oorspronklike op 2 September 2019. Besoek op 3 Oktober 2023.
  13. ↑ "Кристина Агилера, Татьяна Навка, Леонид Агутин, Филипп Киркоров и другие звезды на Российской национальной музыкальной премии". Spletnik News Russia (in Russies). 8 Desember 2016. Geargiveer vanaf die oorspronklike op 10 Desember 2016. Besoek op 1 Augustus 2020.
  14. ↑ "Объявлены победители Российской национальной музыкальной премии / Союз". Soyuz Magazine Russia (in Russies). Besoek op 1 Augustus 2020.
  15. ↑ "Российская Национальная Музыкальная Премия "Виктория" почтила память Кобзона и вернула Агутина в босоногую юность". WORLD PODIUM News (in Russies). 18 Desember 2018. Geargiveer vanaf die oorspronklike op 26 Julie 2020. Besoek op 1 Augustus 2020.
  16. ↑ "Zivert и Димаш объявлены вехами времени". MK News Russia (in Russies). 7 Desember 2019. Geargiveer vanaf die oorspronklike op 6 Desember 2019. Besoek op 1 Augustus 2020.
  17. ↑ "Гений фортепиано Денис Мацуев 6 апреля выступит в Минске с сольным концертом во Дворце Республики. Билеты уже в продаже". Telegraf Belarus (in Russies). 15 Januarie 2019. Geargiveer vanaf die oorspronklike op 28 Julie 2020. Besoek op 1 Augustus 2020.

Eksterne skakels

wysig
Ontsluit van "https://af.wikipedia.org/w/index.php?title=Denis_Matsuev&oldid=2622544"