Didiereaceae
Didiereaceae is ’n familie blomplante wat op die vasteland van Afrika en in Madagaskar voorkom.
| Didiereaceae | |
|---|---|
| |
| Alluaudia montagnacii. | |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Caryophyllales |
| Familie: | Didiereaceae Radlk. ex Drake |
Dit bevat 20 spesies wat in drie subfamilies en ses genera verdeel word. Spesies van die familie is vetplante wat in droë tot halfdroë streke aangetref word. Verskeie is bekend as sierplante in die versamelings van spesialiste. Die subfamilie Didiereoideae is endemies in die suidweste van Madagaskar, waar die plante gewoonlik in die Malgassiese doringbosse voorkom.
Sistematika wysig
Daar is lank geglo die hele familie is endemies op Madagaskar totdat die genera Calyptrotheca, Ceraria en Portulacaria van die vasteland van Afrika ingesluit is.[1] Die familie is naby verwant aan die familie Cactaceae (kaktusse).[2]
Die drie subfamilies is:[2]
| Didiereaceae |
| ||||||||||||||||||||||||||||||
Calyptrothecoideae wysig
Die subfamilie bevat net een genus, Calyptrotheca, met twee spesies wat in tropiese Oos-Afrika voorkom.[2]
Didiereoideae wysig
Die subfamilie is endemies op Madagaskar, waar dit in die doringbosse van die droë suidweste voorkom. Die plante is doringagtige vetplantstruike en -bome van 2-20 m hoog, met dik, waterstorende stamme en blare wat in die lang, droë seisoen bladwisselend is. Die blare is klein en kom alleen of in pare voor. Die blomme is meerslagtig (behalwe by Decaria) en radiaal simmetries.
Daar is vier genera met 11 spesies:
Alluaudia Drake 1903
- Alluaudia ascendens Drake 1903
- Alluaudia comosa Drake 1903
- Alluaudia dumosa Drake 1903
- Alluaudia humbertii Choux 1934
- Alluaudia montagnacii Rauh 1961
- Alluaudia procera Drake 1903
Alluaudiopsis Choux 1934
- Alluaudiopsis fiherensis Choux 1934
- Alluaudiopsis marnieriana Rauh 1961
Decarya Choux 1929
- Decarya madagascariensis Choux 1929
Didierea Baillon 1880
- Didierea madagascariensis Baillon 1880
- Didierea trollii Rauh 1961
Portulacarioideae wysig
Bevat een genus, Portulacaria, met sewe spesies wat in Suider-Afrika versprei is.
Galery wysig
-
Portulacaria namaquensis -
Portulacaria afra -
Alluaudia ascendens -
Alluaudia montagnacii
Bronne wysig
- Werner Rauh: Didieréacées - 121e famille. In: H. Humbert (Hrsg.): Flore de Madagascar et des Comores, Muséum National d'Histoire Naturelle, 1963.
- Werner Rauh: The Didiereaceae, in Ashingtonia, 2, 1975. 2-5
- Gordon D. Rowley: Didiereaceae „Cacti of the Old World“, British Cactus and Succulent Society, 1992.
Verwysings wysig
- ↑ Applequist, Wendy L.; Wallace, Robert S. (2003). "Expanded circumscription of Didiereaceae and its division into three subfamilies" (PDF). Adansonia. 25 (1): 13–16. ISSN 1280-8571.
- ↑ 2,0 2,1 2,2 Bruyns, Peter V.; Oliveira-Neto, Mario; Melo-de-Pinna, Gladys Flavia; Klak, Cornelia (2014). "Phylogenetic relationships in the Didiereaceae with special reference to subfamily Portulacarioideae" (PDF). Taxon. 63 (5): 1053–1064. doi:10.12705/635.36. ISSN 0040-0262.
Eksterne skakels wysig
Wikimedia Commons het meer media in die kategorie Didiereaceae.
Wikispecies het meer inligting verwant aan Didiereaceae
