Die Verliefdes (tarotkaart)
Die Verliefdes is die sesde troefkaart in tarotkaartspeletjies en die sesde Groot Arcana-kaart in pakke vir waarsêery. Dit word in albei gebuik.
Vertolking
wysigVolgens A.E. Waite se boek van 1910 Pictorial Key to the Tarot het Die Verliefdes verskeie betekenisse in waarsêery:[1]
6. DIE VERLIEFDES. – Aantrekking, liefde, skoonheid, probleme oorkom. Omgekeer – mislukking, dwase ontwerpe. 'n Ander weergawe noem 'n gefustreerde huwelik en alle soorte teengesteldhede.
In sommige tradisies verteenwoordig Die Verliefdes verhoudings en keuses. Die kaart se verskyning in 'n sprei dui op besluite oor 'n bestaande verhouding, 'n versoeking of 'n keuse van moontlike liefdesmaats. Dikwels moet die mens iets opoffer: sy lewe alleen wanneer 'n verhouding begin, of omgekeerd. Wat ook al die keuse, dit moenie ligtelik geneem word nie, wat die gevolge sal lank aanhou.
Die Verliefdes word verbind met die Diereriemteken Tweeling en word juis ook in sommige pakke Die Tweeling genoem. Ander verbintenisse is met lug, Mercurius en die Hebreeuse letter ז (sajin).
In die Rider-Waite-tarotpak lyk die prent baie anders as op die tradisionele kaarte. In plas van 'n paartjie wat deur 'n adellike of geestelike geseën word, beeld dit Adam en Eva in die Tuin van Eden uit. Deur die getal mense op die kaart van drie tot twee te verminder, kon A.E. Waite klem lê op die ooreenkoms met die Tweeling.[2] Die Rider-Waite-kaart sluit ook die Boom van alle kennis in, met 'n slang wat om die stam krul. Die simboliek van geen terugkeer ná slegte besluite, en die gevolge van verlore onskuld, kan beter met dié kaart begryp word.[3]
Verwysings
wysig- ↑ Waite, Arthur Edward, 1857-1942. (2005). The pictorial key to the tarot. Mineola, NY: Dover Publications. ISBN 0-486-44255-1. OCLC 57549699.
{{cite book}}: AS1-onderhoud: meer as een naam (link) - ↑ Jensen, K. Frank (2005). "The Early Waite–Smith Tarot Editions". The Playing-Card. The International Playing Card Society. 34 (1): 26–50.
- ↑ "The Lovers Tarot Card Meaning & Interpretation". phuture.me.
Skakels
wysig
Wikimedia Commons het meer media in die kategorie Die Verliefdes (tarotkaart).
Hierdie artikel is in sy geheel of gedeeltelik uit die Engelse Wikipedia vertaal.
