Die kaskenades van Dr. Kwak
Die Kaskenades van Dr. Kwak is 'n swart en wit Afrikaanse rolprent wat op 5 April 1945 uitgereik is.
| Die Kaskenades van Dr. Kwak | |
|---|---|
| Regisseur | Pierre de Wet |
| Produksieleier | Joseph Albrecht |
| Draaiboek | Pierre de Wet |
| Met | Pierre de Wet Gert van den Bergh Paula Styger |
| Kinematografie | Frank Dixon |
| Redigeerder | Gerald Ehrlich |
| Uitgereik | 5 April 1945 |
| Land | Suid-Afrika |
| Taal | Afrikaans |
| IMDb-profiel | |
Genre
wysigDie rolprent is 'n komedie.
Hoofrolspelers
wysig- Pierre de Wet as dr. Hendrikus Kwak
- Gert van den Bergh as Poggenpoel
- Paula Styger
- Jan Cronjé
- Helen Faul
- Stanley Raphael
- Ben Havenga
- Susan Roos
- Francis Coertze
- Bernabe van Alphen
- Al Debbo
- James Norval
- Schalk Theron
- Rynhard Smit
- Gerhard Mol
Storielyn
wysig'n Jong dokter, vars uit die mediese skool, koop 'n praktyk vir 'n appel en 'n ei op 'n klein dorpie in die middel van nêrens. Met sy aankoms ontvang hy skokkende nuus van die dorpsmense: "Niemand op die dorp raak ooit siek nie, en die vorige dokter het van aalmoese geleef. Niemand het ooit 'n dokter, apteker of begrafnisondernemer nodig nie." vertel hulle hom.
Maar Dr Kwak weier om dit te glo, en kom met die apteker en die onderwyser bymekaar. Hy benadruk die belangrikheid daarvan dat die mediese wetenskap na die mense gebring moet word en dat hulle bewus gemaak moet word van die verskriklike gevare wat kieme inhou. Kort nadat Kwak aankondig dat hy Maandae gratis konsultasies aanbied, is sy spreekkamers vol, die plaaslike hotel is omskep in 'n hospitaal, en die hele dorp is in die bed. Dr Kwak, die hoteleienaar (nou matrone van die hospitaal) en die apteker glimlag almal breed. Maar geregtigheid seëvier in die gestalte van die ou dokter.