Dimetielsulfied
Dimetielsulfied is 'n organiese verbinding met die chemiese formule (CH3)2S; dit is die eenvoudigste tioëter. Dimetielsulfied het 'n koolagtige reuk en dra by tot die reuk van gekookte kool, blomkool, seldery of aspersie. Die reukdrempel is taamlik laag, 0,12 μg/L in water. Die stof wat sy voorloper is en waaruit dit gevorm word, S-metielmetionien, kom in verskeie groentes voor. Tamaties het ong. 2,6 mg/kg en seldery 146 mg/kg daarvan.[2]
|
Algemeen | |
|---|---|
| Naam | Dimetielsulfied |
 |
 |
| Chemiese formule | (CH3)2S |
| Molêre massa | 62,31 [g/mol][1] |
| CAS-nommer | 75-18-3[1] |
| Voorkoms | Kleurlose vloeistof [1] |
| Reuk | Onwelriekend[1] |
| Reukdrempel | 0,12 μg/L in water[2] |
| Fasegedrag | |
| Smeltpunt | -56,6 °C |
| Kookpunt | +38 ° @ 1 Atm [1] |
| Digtheid | 0,840 [1] |
| Oplosbaarheid | 2 [g/L] @ 20 °C[1] |
|
Suur-basis eienskappe | |
| pKa | |
|
Veiligheid | |
| Flitspunt | -48 °C [1] |
| Selfontbrandingspunt | 205 °C[1] |
| LD50 | >2000 [mg/kg] (rot; oraal) |
| LC50 | 40 250 dpm (rot; 4 uur) |
|
Tensy anders vermeld is alle data vir standaardtemperatuur en -druk toestande. | |
Portaal  Chemie
| |
Biochemie wysig
Die stof word deur mikroörganismes vrygestel. Dit is 'n vlugtige stof wat 50-60% van die gereduseerde swael uitmaak wat in die aarde se atmosfeer teenwoordig is. Die oseane is verantwoordelik vir 95% van die DMSfluks wat die atmosfeer bereik. Dit word geskat op 15-33 Tg swael per jaar. Die stof word saamgeneem in klimaatmodelgerekenings. In die atmosfeer raak dit geoksideer en vorm dit swaweldioksied SO2. Dit word byna uitsluitlik deur biogene prosesse gevorm, veral deur die ensimatiese splyting van DMSP (dimetielsulfoniopropionaat). Dit is 'n produk van verskeie organismes in die mariene fitoplankton en dit deel van 'n ingewikkelde netwerk van paaie van produksie en konsumpsie van mikroörganismes.[3]
Astrochemie wysig
In September 2023 is berig dat die James Webb-ruimteteleskoop hierdie stof glo op die eksoplaneet K2-18b ontdek het. Omdat hierdie stof op aarde net deur lewende organismes vervaardig word, is dit moontlik 'n aanwysing dat op dié planeet lewe bestaan. [4]
Verwysings wysig
- ↑ 1,0 1,1 1,2 1,3 1,4 1,5 1,6 1,7 1,8 "Msds". Fisher.
- ↑ 2,0 2,1 Julia Scherb, Johanna Kreissl, Sonja Haupt, Peter Schieberle (2009). "Quantitation of S-methylmethionine in raw vegetables and green malt by a stable isotope dilution assay using LC-MS/MS: comparison with dimethyl sulfide formation after heat treatment". J Agric Food Chem. 57 (19): 9091–6. doi:10.1021/jf901765q.
{{cite journal}}: AS1-onderhoud: gebruik authors-parameter (link) - ↑ Jacqueline Stefels, Michael Steinke, Suzanne Turner, Gill Malin, Sauveur Belviso (2007). "Environmental constraints on the production and removal of the climatically active gas dimethylsulphide (DMS)and implications for ecosystem modelling". Biogeochemistry. 83: 245–275. doi:10.1007/s10533-007-9091-5.
{{cite journal}}: AS1-onderhoud: gebruik authors-parameter (link) - ↑ Arion McMicoll. "K2-18b: the exoplanet that could have signs of life". MSN.
{{cite web}}: AS1-onderhoud: gebruik authors-parameter (link)
