Dwergmuishond
Die dwergmuishond (Helogale parvula) is 'n klein, donker soogdier wat van Ethiopië tot Angola en suidwaarts tot in die oostelike streke van Suider-Afrika aangetref word.
| Dwergmuishond | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Subfamilie: | |
| Genus: | |
| Spesie: | H. parvula
|
| Binomiale naam | |
| Helogale parvula Sundevall, 1847
| |
Identifisering
wysig'n Gemiddelde volwasse dwergmuishond bereik 'n lengte van 40 cm: die liggaam en kop het saam 'n lengte van tussen 18 en 260 cm, met 'n stert wat tussen 12 en 20 cm lank is. Dwergmuishonde is donker diertjies en hulle pelse wissel van 'n gespikkelde bruin tot grys kleur. Die onderbene en stert is oor die algemeen bietjie donkerder as die liggaam, terwyl die maag weer bietjie ligter is.
Habitat
wysigDie dwergmuishond woon hoofsaaklik in tonnels en gate in termietneste of boomstompe in grasvelde, beboste gebiede en bergagtige struikvelde. Hulle word van seevlak tot hoogtes van 1800 m bo seespieël aangtref.
Dieet
wysigDie dwergmuishond se dieet bestaan oor die algemeen uit insekte, reptiele en ander klein soogdiertjies.
Gedrag
wysig
Dwergmuishonde word gewoonlik in groepe aangetref, met 'n dominante wyfie en haar nageslag. Die wyfie se maat het tweede rang in die groep en hulle is die enigste paartjie in die groep wat sal paar. Die ander volwasse dwergmuishonde maak die kleintjies skoon, dra, voer en versorg hulle. Dit is nie ongewoon dat 'n ander wyfie (buiten die dominante wyfie) soms die kleintjies sal soog nie. Kleintjies sal vanaf 'n ouderdom van 6 maande saam met die groep begin kos soek. Die groep breek op wanneer die dominante wyfie vrek. Elke groep het 'n tuisgebied van ongeveer twee hektaar - die denkbeeldige bakens van die gebied skuif namate prooi minder of meer volop is in ander areas.
Voortplanting
wysigDie wyfie is vir 49-56 dae dragtig en sal in die reënerige seisoen (November tot Mei) geboorte skenk aan ongeveer vier kleintjies. Sy kan tot drie keer per jaar dragtig wees. Die kleintjies word vir 45 dae gespeen en kos word ook in hierdie tyd vir hulle aangedra. Geslagsrypheid word met drie jaar bereik.
Sien ook
wysigVerwysings
wysig- ↑ Creel, S. & Hoffmann, M. (2008). Helogale parvula. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 22 March 2009. Databasis inskrywing gee kort verdediging hoekom hierdie spesie nie bedreigd is nie.
Bronnelys
wysig- Mustelid Specialist Group (1996). Helogale parvula[dooie skakel]. 2006 IUCN Red List of Threatened Species. IUCN 2006. Verkry op 12 Junie 2008.
- Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
- Sorin, A. 1999. "Helogale parvula", Animal Diversity Web.