Eberswalde

Eberswalde is die administratiewe setel van die distrik Barnim in die Duitse deelstaat Brandenburg.

Eberswalde
Kaart	Wapen
	Historiese wapen
Land	Duitsland
Deelstaat	Brandenburg
Distrik	Barnim (BAR)
Koördinate	52°50′N 13°49′E
Stigting (eerste verwysing)	1276
Stadstatus	1911
Oppervlakte:
- Totaal	93,5 vk km
Hoogte bo seevlak	25 m
Bevolking:
- Totaal (31 Desember 2011)	40 944
- Bevolkingsdigtheid	437,9/vk km
Tydsone	UTC +1 (MET)
- Somertyd	UTC +2
Klimaat
- Tipe	Gematigde klimaat
- Gemiddelde jaarlikse temperatuur	-°C
- Gem. temp. Januarie/Julie	-°C
- Gemiddelde jaarlikse neerslag	- mm
Burgemeester	Friedhelm Boginski (FDP)
Amptelike Webwerf	Eberswalde

Die stad is op die noordelike rand van die Barnim-plato geleë. Die Federale Roete (Bundesstraße) 167 loop net soos die Oder-Havel- en Finow-kanaal in wes-oostelike rigting deur die stadsgebied. Eberswalde se geografiese ligging het 'n sentrale rol in die stad se geskiedenis gespeel wat oor sewe eeue uit oorspronklik sewe nedersettings ontwikkeling het en tans oor 'n lengte van tien kilometer strek.

Sedert die vroeë 14de eeu het die handelspad tussen Berlyn, Frankfurt (Oder) en Stettin deur Eberswalde geloop. Hier is alle skeepsvragte van die Oderrivier gestapel en op ander skepe gelaai. Ystererts, hout en water was volop in die gebied sodat Eberswalde 'n geskikte nedersetting vir die stigting van 'n verskeidenheid nywerhede was. Die plaaslike papiermeul is reeds sedert 1532 in bedryf. Vanaf 1603 is koper, yster en blik hier verwerk en die eerste Finowkanaal gebou.

Gereformeerde Switserse immigrante het in 1691 nuwe metaalbedrywe in Eberswalde gevestig. Tydens die heerskappy van Frederik II het messmede uit die Rynland en die Ruhla-streek hul ambag in die stad begin beoefen. Die stadsbuurt Ruhlaer Vorstadt en talle burgerhuise herinner aan dié periode.

In die 19de eeu was Eberswalde 'n welvarende nywerheidsstad wat die bou van indrukwekkende geboue soos die Leeuefontein (Löwenbrunnen) op die markplein (1836), die Neogotiese Johanniskerk, die raadsaal in die Neorenaissance-styl en die stedelike museum (1905) kon bekostig. Die skilder Karl Blechen het reeds in 1834 die "Ysteraanleg naby Eberswalde" geskilder - 41 jaar voordat die bekende kunstenaar Adolph Menzel sy eerste bekende skildery van 'n nywerheidslandskap geskep het. Tans is die 14de eeuse Maria-Magdalena-kerk, wat onder invloed van die Chorin-klooster ontstaan het, en die 13de eeuse Georgen-hospitaal (wat intussen as konsertsaal dien) die belangrikste argitektoniese besienswaardighede.

Eberswalde is steeds 'n belangrike sentrum van die metaalbedryf. Intussen speel ook nuwe tegnologieë en dienste 'n beduidende rol in die plaaslike ekomomie. Die stad is daarnaas die setel van 'n Fachhochschule (Universiteit vir Toegepaste Wetenskappe).

Eksterne skakels

Video

• Willkommen in Eberswalde (de)