Eckard Rabe
Eckard Rabe is ’n Suid-Afrikaanse akteur van die verhoog, televisie en rolprente. Hy is in 1948 op St. Winifreds, Natal, gebore en het op Port Shepstone grootgeword. Hy het drama studeer aan die Universiteit van Natal in Durban en doen van 1976 af vryskutwerk.[1]
| Eckard Rabe | |
| Geboorte | 1948 St. Winifreds, Natal, Suid-Afrika |
|---|---|
| Nasionaliteit | Suid-Afrikaans |
| Beroep(e) | Akteur |
| Toekennings | Fleur du Cap, 1979 |
| Internet-rolprentdatabasis-profiel | |
Hy was van 1995 tot 2009 die sakemagnaat en patriarg van die Edwards-familie in die sepie Egoli - Plek van Goud. Rabe is getroud met Debbie Taylor en het ’n dogter, Caitlin Biance, by die aktrise Jo da Silva.
Loopbaan
wysigOp die verhoog het hy sy debuut in 1974 gemaak as Plaston in P.G. du Plessis se futuristiese drama Plaston: DNS-Kind. Hy was daarna in onder meer The Fantastics, Babbelkous en Bruidegom, Charley's Aunt, Richard III, The Other Side of the Swamp en Grease.
Op televisie was hy in Wild at Heart (2010), Egoli – Plek van Goud (1995–2009) en Westgate (1981).
Filmografie
wysig- Getroud met Rugby: Die Onvertelde Storie (2011)
- Catch a Fire (2006)
- Act of Piracy (1990)
- American Ninja 3: Blood Hunt (1989)
- Paradise Road (1988)
- Kampus: ’n Varsity-Storie (1986)
- Plekkie in die Son (1979)
- Springbok (1976)
- Daar Kom Tant Alie (1976)
- Dog Squad (1973)
Pryse
wysigIn 1979 het Rabe die Fleur du Cap-prys vir beste manlike byspeler gewen vir The Norman Conquests.
Verwysings
wysig- ↑ Eckard Rabe by The Encyclopaedia of South African Theatre, Film, Media and Performance URL besoek op 30 Januarie 2016