Getroud met rugby (rolprent)

Getroud met rugby - die onvertelde storie is 'n vollengte Afrikaanse rolprent wat op 11 Maart 2011 in teaters begin draai het. Die fliek is gebaseer op kykNET se rugbydrama Getroud Met Rugby. Die film het 'n 13 ouderdomsperk vir taal, geweld en verlang ouerleiding.

Getroud met rugby - die onvertelde storie
Regisseur	Cobus Rossouw Jr.
Produksieleier	Bianca Isaac
Draaiboek	Deon Opperman Cobus Rossouw
Met	Altus Theart Izak Davel San-Marié Nel Johan Scholtz Jacques Gombault Hanna Grobler Corine du Toit Heinz Winckler Louis Minnaar Justin Strydom Ilne Nienaber
Musiek deur	C.A. van Aswegen
Kinematografie	Trevor Calverley
Redigeerder	C.A. van Aswegen
Verspreider	Living Dream Films
Uitgereik	11 Maart 2011
Speeltyd	1 uur 49 minute
Land	Suid-Afrika
Taal	Afrikaans
Amptelike webtuiste
IMDb-profiel

Storie

Reghart Venter (Izak Davel) is 'n motorwerktuigkundige van die verkeerde kant van die treinspoor. Hy is 'n belowende rugbyspeler, maar het die pad byster geraak. Ná verskeie klagtes van aanranding en bakleiery kry hy 'n laaste waarskuwing - om homself reg te ruk, of om tronk toe te gaan.

Regardt se straf is om gemeenskapsdiens te doen en rugby te oefen met 'n voormalige ster van die Stryders rugbyspan, Fafa Beltrami (Altus Theart). "Vinnige Fafa" was op sy tyd die vinnigste vleuel in die land en gewild onder die dames. Fafa het self ook die pad byster geraak toe hy van sy vrou Kiki (Hanna Grobler) vervreem geraak het nadat hulle dogter oorlede is.

Nadat hy téén sy sin na Potties Place (die plaaslike Stryders-kroeg) gebring word ontmoet hy Lize (San-Marié Nel). Hy het vir die eerste keer iets om voor te baklei. Deur die metafoor van rugby help die twee gebroke mans mekaar weer op die regte pad.

Genre

Die rolprent is 'n drama.

Hoofrolspelers

• Altus Theart as Fafa Beltrame
• Izak Davel as Reghart Venter
• San-Marié Nel as Lize Roos
• Albert de Villiers as Hennie
• Johan Scholtz as Schalk Brand
• Jacques Gombault as Blackie Swart
• Hanna Grobler as Kiki Beltrame
• Heinz Winckler as J.P. Viviers
• Louis Minnaar as Pieter Venter
• Justin Strydom as mnr. du Toit
• Corine du Toit as Inge Bekker
• Ilne Nienaber as Ecstacy / Michelle
• Ruan Burger as Werner
• Marlon Roelfze as Brendan Storm
• Marcel Schoeman as man in tronk
• Mia-Anne Ferreira as Melinda
• Anel Alexander as Julia Verster
• Julie Strijdom as eienaar van pandjieswinkel
• Natania van Heerden as Mev. Roos
• Eckard Rabe as mnr. Roos
• Cobus Rossouw as man in kar

Sien ook

• Lys van Afrikaanse rolprente

Eksterne skakels

• Die film se tuisblad Geargiveer 15 Maart 2011 op Wayback Machine
• Inligting oor die rolprent Geargiveer 1 Januarie 2011 op Wayback Machine
• Voorskou op YouTube