Edgar Brookes

Edgar Harry Brookes (Smethwick, Engeland, 4 Februarie 1897 - 1979) was die nasionale voorsitter van die Liberale Party van 1963 tot 1968, geskiedskrywer, senator en hoogleraar.

Brookes het studeer aan die Universiteit van Suid-Afrika en die London School of Economics. Van 1920 tot 1933 was hy hoogleraar in openbare administrasie en politieke wetenskap aan die Universiteit van Pretoria (destyds die Transvaalse Universiteitskollege), waarna hy prinsipaal was van die bekende sendinginrigting Adamskollege in Natal van 1933 tot 1945.

Hy word verteenwoordiger van swart belange in die Senaat in 1937, 'n pos wat hy tot 1952 beklee. Van 1945 tot 1950 is hy ook lid van die Naturellasake-kommissie en drie termyne lank president van die Suid-Afrikaanse Instituut vir Rasse-aangeleenthede, waarvan hy ook medestigter was, omdat hy intens belang gestel het in die vordering en vooruitgang van gekleurde Suid-Afrikaners. In 1927 was hy afgevaardigde van Suid-Afrika na die Volkebond en in 1947 na UNESCO.

Brookes was hoogleraar in geskiedenis en politieke wetenskap aan die Universiteit van Natal van 1959 tot 1962. Die volgende jaar word hy nasionale voorsitter van die Liberale Party en bly in die amp tot die party se gedwonge ontbinding in 1968.

Publikasies

• "History of Native Policy in South Africa" (1924)
• "The City og God" (1960)
• "A History of the University of Natal" (1967)

Bronne

• Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.
• Africa South of the Sahara, Europa Publications Limited, Londen, 1975.
• "Apartheid: A Document Study of Modern South Africa" (1968)