Eerste Alternatiewe Afrikaanse Rockkonsert

Die Eerste Alternatiewe Afrikaanse Rockkonsert was 'n musiekkonsert wat op 25 Maart 1988 in die Pool Club in Johannesburg gehou is. Die konsert is deur Dagga-Dirk Uys (deesdae bekend as Dirk Ace[1]) en Boogie Gottschalk van Shifty Records gereël, en word beskou as die begin van die Alternatiewe Afrikaanse Musiekbeweging.[2]

Die kunstenaars wat opgetree het was André Letoit (deesdae bekend as Koos Kombuis) en Johannes Kerkorrel en die Gereformeerde Blues Band, Bernoldus Niemand en sy groep, Die Swart Gevaar, asook groepe soos The Genuines, Koos[3] en Die Kêrels. Dit was Bernoldus Niemand se eerste lewendige optrede. Die konsert is deur nagenoeg 900 mense bygewoon.[4]

Die konsert sou aanvanklik by die Yeoville Ontspannings-sentrum, wat aan die Johannesburgse Stadsraad behoort het, plaasvind, maar toe die stadsraad 'n paar dae voor die konsert te kenne gee dat swartmense nie by die lokaal welkom sou wees nie, is dit verskuif na die Pool Club in Von Wiellighstraat.[2] The Cape Times (1 Julie 1988) het die konsert beskryf as "a (sic) unprecedented orgy of Afrikaner anarchy".[4]

Sien ook wysig

Verwysings wysig

  1. "'n Gesprek Met Dirk Ace (Deel 1 van 2) – Ep. 8 WAT Podcast". Geargiveer vanaf die oorspronklike op 6 Desember 2019. Besoek op 17 Maart 2017.
  2. 2,0 2,1 Hopkins, Pat (2006). Voëlvry : the movement that rocked South Africa, bl 151. Kaapstad: Zebra Press. Geargiveer vanaf die oorspronklike op 29 Oktober 2013. Besoek op 17 Maart 2017.
  3. "Shifty Records – Artists: Koos". Besoek op 17 Maart 2017.
  4. 4,0 4,1 "Waar is die alternatiewe Afrikaners 'n dekade na Boereblues en Voëlvry?". Besoek op 17 Maart 2017.