Eet

Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg.

Eet is die proses waartydens voedsel ingeneem of genuttig word. Mense en diere moet gereeld voedsel inneem om die nodige energie en boustowwe wat lewe onderhou daaruit te kan tap. Daarteenoor hoef meeste plante nie te eet nie, omdat hulle energie van die son vir fotosintese absorbeer. Tydens fotosintese produseer hierdie plante hul eie voedsel.

'n Groep mense wat saam eet.

Babatjies tussen 8 en 12 maande begin vaste kosse eet, dis gewoonlik 'n morsige affêre.

Spysvertering

Voedsel word deur die mond (of bek by diere) in die liggaam opgeneem en deur die slukderm na die maag vir vertering gevoer. Tande in die mond word gebruik om die kos fyn te maal voordat dit gesluk word. Die proses van eet word gewoonlik deur 'n gevoel van honger voorafgegaan.

Dieet

Omdat diere van eksterne voedselbronne afhanklik is, eet hulle plante of ander diere. Diere wat plante eet word herbivore genoem, terwyl diere wat ander diere eet karnivore genoem word. Diere wat beide plante en ander diere verorber word omnivore genoem.

Baie mense kan egter nie genoeg eet nie, wat tot oorgewig en vetsug aanleiding gee. Die eet van ongesonde kosse kan weer tot gesondheidsprobleme of selfs vetsug lei. Dit is belangrik om 'n gesonde dieet te handhaaf deur genoeg groente en vrugte in te neem.

Maaltye

Etes word gewoonlik in drie kleiner maaltye per dag verdeel. Eetgerei soos 'n lepel, mes en vurk word gewoonlik ingespan om die kos op te skep, te sny of op te lig. In tradisioneel ouer beskawings, bv. in Midde-Afrika, word kos met die hande geëet en word hierdie implemente nie gebruik nie.

Ontbyt

Ontbyt of oggendete is die belangrikste maaltyd van die dag en behoort nooit oorgeslaan te word nie. Dit word genuttig nadat 'n persoon opgestaan het, maar voordat hy of sy met die dagtake begin. Ontbyt kan wissel van graankosse, met miskien vars vrugtesap, tot groter etes met spek, eiers, tamatie en roosterbrood.

Middagete

Middagete word gewoonlik tussen 12:00 en 14:00 genuttig. Baie mense gryp net vinnig iets vir middagete voordat hulle met hulle dagtake voortgaan. In sommige lande, soos Spanje, rus mense eers na middagete deur 'n ligte slapie of siësta te neem.

Aandete

Aandete is die laaste maaltyd van die dag en word gewoonlik tussen 17:00 en 19:00 genuttig. Aandete is meestal 'n warm maaltyd met 'n vleisgereg, groente en stysels soos rys en aartappels. Sommige mense eet eerder groter middagetes en neem dat net iets ligs vir aandete.

Eksterne skakels

• Wikiwoordeboek het 'n inskrywing vir eet.