Emo

Emo, oftewel emocore, is 'n versamelnaam vir 'n breë verwysing na 'n golf van rockmusiek wat aan die begin die 21ste eeu veral onder die jeug gewild geraak het, asook die kleredrag en haarstyle wat daarmee gepaard gaan. Dit word ook met popcore, pop punk en powerpop verbind. Daar word na die aanhangers van hierdie styl as emo kids, emos, scene kids en soms ook wrist-slitters.

'n Karikatuur van 'n algemene emo-tiener.

Emocore is oorspronklik die naam gegee aan 'n meer ondergrondse musiekgenre, afkomstig vanuit hardcore punk. Wat deur die media as emo bestempel word is meer toeganklik as oorspronklike emocore. Emocore is basies rockmusiek wat deur veel ligter popmusiek beïnvloed is, en dis juis dáárom dat dit gereeld op radiostasies gespeel word en op TV-stasies. Die agtergrond van hardcore punk is nie baie duidelik nie. Sogenaamde emo musiekgroepe het baie te doen met swartgalligheid en pessimisme wat betref hul lewensvisie, wat aansluit by die angs en verwarring wat tieners normaalweg ervaar. Dit is 'n gebruik onder emos om hul polse te sny, alhoewel dit nie van toepassing is op alle emos nie.

Die woord emocore is afkomstig van emotional hardcore. Omdat emotional so 'n breë term is, kan byna enige musiekgroep as sulks geklassifiseer word.

Emo's word gewoonlik gestereotipeer as polssnyers en mense wat hulself bejammer. Dit is nie altyd waar nie, omdat daar baie mense is wat aanhangers is van emo-musiek, maar nooit die emo-style volg nie. Dit is ook raar vir mense wat verby puberteit is om soos emo's aan te trek, hoewel die musiek tot 'n wye gehoor kan spreek en gevolglik ook 'n wye aanhangerspektrum het.

Musiekgroepe

Across Five Aprils - Aiden - Alesana - Alexisonfire - Black Veil Brides - The All American Rejects - Amped - Angels & Airwaves - As Cities Burn - Avenged Sevenfold - Brand New - Bullet For My Valentine - Chasing Victory - Chiodos - Cobra Starship - Coheed And Cambria - Cute Is What We Aim For - Dashboard Confessional - Ephen Rian - Escape The Fate - Falling in Reverse - Fall Out Boy - Finch - Fokofpolisiekar - Foto na Dans^[1] - From Autumn To Ashes - From First to Last - Funeral For A Friend - Hawthorne Heights - Hellogoodbye - Jack's Mannequin - Klopjag - Les Savy Fav - Linkin Park - Lost In Rhone - Lostfoundbroken - Lostprophets - LoveHateHero - Moneen - My Chemical Romance - Paramore - Panic! at the Disco - Phoenix Mourning - Roses Are Red - Saosin - Saves The Day - Senses Fail - Silverstein - Something Corporate - Sparta - Steel Rules Die - The.Maple.Room - The Sleeping - The Starting Line - Taking Back Sunday - Thrice - Thursday - The Used - Twentyinchburial - Underoath - Waterdown

Galery

'n Tienerseun met 'n emo-haarstyl en -grimering.
'n Voorbeeld van emo-mode.
'n Groep emo-tieners.
'n Emo-tienermeisie.
'n Emo-tienermeisie.
'n Emo-tienerseun.
'n Emo-meisie in 'n emo-posisie.
Tipiese voobeeld van 'n emo-haarstyl. Swart en reguit met onkonvensionele kapsel.
Tipiese emo-drag, grimering en haarstyl.
'n Emo-tienerseun.