Erica jasminiflora
Erica jasminiflora is 'n plant wat tot die genus Erica behoort en is deel van die fynbos. Die spesie is endemies aan die Wes-Kaap en kom in die Caledon distrik voor. Hierdie plant was in 2009 beskou as op die rand van uitsterwing. Op daardie stadium het die aantal plante met 80-90% afgeneem oor 30 jaar met minder as tien individuele plante oor. Die afname was toe te skryf aan 'n verlies van habitat, indringerplante en 'n verlies van insekte wat die bestuiwing moes doen.
| Erica jasminiflora | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Asterids |
| Orde: | Ericales |
| Familie: | Ericaceae |
| Genus: | Erica |
| Spesie: | E. jasminiflora
|
| Binomiale naam | |
| Erica jasminiflora Salisb., (1796)
| |
| Sinonieme | |
| |
Gelukkig is 'n tweede populasie in 2010 ontdek van 2000 plante, 10 km vanaf die eerste populasie. Hierdie populasie word ook bedreig deur indringerplante maar die grondeienaar neem stappe om die indringing te beperk. Die plant se status bly kritiek bedreig.
Volgens SANBI staan die plant bekend as trompetheide.