Ernest Hemingway

Ernest Miller Hemingway (21 Julie 1899 — 2 Julie 1961) was 'n Amerikaanse romanskrywer, kortverhaalskrywer, en joernalis. Hy ontvang in 1953 die Pulitzerprys vir The Old Man and the Sea,[1][2] en die Nobelprys vir Letterkunde in 1954.[3]

Ernest Hemingway
Ernest Hemingway in Sun Valley, Idaho, 1939
Gebore
Ernest Miller Hemingway

21 Julie 1899
Oak Park, Illinois
Sterf2 Julie 1961
Ketchum, Idaho
NasionaliteitVlag van Verenigde State van Amerika Verenigde State
EggenootElizabeth Hadley Richardson (1921–1927)
Pauline Pfeiffer (1927–1940)
Martha Gellhorn (1940–1945)
Mary Welsh Hemingway (1946–1961)
KindersJack, Patrick, Gregory
Handtekening

Biografie wysig

 
Hemingway se geboorteplek in Oak Park. Foto geneem in 2008.
 
Ernest Hemingway in 1923

Hy is gebore in Oak Park, Illinois, 'n voorstad van Chicago. Sy vader was 'n plattelandse geneesheer. Hy voltooi sy hoërskoolloopbaan in dieselfde voorstad, maar wou nie universiteit toe gaan nie.

In die plek daarvan begin hy sy skrywersloopbaan as 'n junior verslaggewer vir The Kansas City Star. Hy werk daar vir ses maande, maar behou die koerant se riglyne vir goeie skryfwerk dwarsdeur sy loopbaan: Gebruik kort paragrawe. Gebruik kragtige [taal]. Wees positief, en nie negatief nie."[4]

Hy probeer daarna by die Amerikaanse weermag aan te sluit om sodoende by die Eerste Wêreldoorlog betrokke te wees. Sy swak sig verhinder hom, en hy sluit by die Rooi Kruis-ambulansdiens aan. Só beleef hy wel die brutaliteit van oorlog. Hy word verwond en dit beëindig sy loopbaan as ambulansbestuurder. Hy spandeer die res van die oorlog deur te werk in 'n hospital in Milaan, Italië.

Na die oorlog keer hy vir 'n kort periode terug na Illinois, voordat hy homself in Toronto, Kanada vestig. Daar werk hy vir die Toronto Star vir 'n kort periode voordat hy weer na Chicago terugkeer.

Hy trou in 1921 met sy eerste vrou, Hadley Richardson. Aan die einde van daardie jaar trek hulle na Parys, Frankryk, en dek die Grieks-Turkse oorlog vir die Toronto Star. Gertrude Stein word daar sy mentor, 'n ontmoeting wat direk lei tot 'n buitelandse Amerikaanse groep wat uiteindelik bekend staan as die Verlore generasie.

Sy eerste seun word gebore in 1923, nadat hulle na Toronto teruggekeer het. Weens 'n geskil met sy redakteur bedank hy by die koerant teen die einde van daardie jaar.

Hy skei in 1927 van Hadley Richardson en trou met Pauline Pfeiffer. As gevolg van haar geloofsoortuiging, bekeer hy hom tot die Rooms-katolieke geloof. Hulle trek in 1928 na Key West in Florida. Kort daarna pleeg sy vader selfmoord. Sy tweede seun is ook in daardie jaar gebore, met sy derde seun 'n paar jaar daarna. Hy reis 'n paar keer na Spanje, asook een keer na verskeie lande in Afrika, en Kuba. Hierdie reise, soos ook sy ander lewenservarings, beïnvloed sy oeuvre sterk.

In 1937 berig hy in Spanje oor die Spaanse Burgeroorlog vir die Noord-Amerikaanse Koerant-alliansie. Tydens hierdie periode beweeg hy weg van die kerk, en loop sy huwelik op die rotse. Hy skei weer in 1940.

Net 'n paar weke ná die egskeiding, trou hy met sy derde vrou, Martha Gellhorn. Sy het hom vir vier jaar in Spanje vergesel.

Tydens die Tweede Wêreldoorlog, neem hy aan die skeepsoorlog deel, en werk ook as oorlogskorrespondent in Europa.

Hy skei weereens in 1944, en trou vir die vierde keer, met Mary Welsh. Die egpaar vestig hulle in Kuba.

Hy ontvang die Pulitzerprys in 1953 vir The Old Man and the Sea. Hy ontvang die Nobelprys die volgende jaar.

Hy word ernstige beseer in 'n jagongeluk en 'n maand later in 'n veldbrand, sodanig dat hy nie na Stockholm kan reis om sy Nobelprys in ontvangs te kan neem nie.

Hy ontvang eletrokonvulsiewe terapie (EKT) vir depressie. Vroeg in 1961 poog hy daarin om selfmoord te pleeg en slaag met 'n tweede poging in sy tuiste in Ketchum, Idaho. Hy skiet homself met 'n haelgeweer deur die kop.

Bibliografie wysig

Romans wysig

  • 1925 The Torrents of Spring
  • 1926 The Sun Also Rises
  • 1929 A Farewell to Arms
  • 1937 To Have and Have Not
  • 1940 For Whom the Bell Tolls
  • 1950 Across the River and Into the Trees
  • 1952 The Old Man and the Sea
  • 1970 Islands in the Stream
  • 1986 The Garden of Eden
  • 1999 True at First Light

Kortverhaalbundels wysig

  • 1923 Three Stories and Ten Poems
  • 1925 In Our Time
  • 1927 Men Without Women
  • 1933 Winner Take Nothing
  • 1936 The Snows of Kilimanjaro
  • 1938 The Fifth Column and the First Forty-Nine Stories
  • 1969 The Fifth Column and Four Stories of the Spanish Civil War
  • 1972 The Nick Adams Stories
  • 1987 The Complete Short Stories of Ernest Hemingway
  • 1995 Everyman's Library: The Collected Stories

Verwysing wysig

  1. vertaal in Afrikaans deur M.S. Taljaard as Die Ou Man en die See, en uitgegee deur Universiteits Uitgewers en Boekhandelaars (Edms) Bpk 1964
  2. https://kakkerlak.co.za/product/die-ou-man-en-die-see-e-hemingway/.Opgespoor[dooie skakel] en besoek op 08-04-2019
  3. "The Nobel Prize in Literature 1954" (in Engels). Nobelprize.org. Geargiveer vanaf die oorspronklike op 2 Julie 2018. Besoek op 7 Oktober 2017.
  4. Talle sulke staaltjies is saamgestel by die eeufeesherdenkingsbladsy van die Kansas City Star.

Bron wysig

  • Aansienlik verkort vanaf Ernest Hemingway[dooie skakel] op die Engelse Wikipedia.

Eksterne skakels wysig