Espoo

Espoo (Esbo in Sweeds) is 'n munisipaliteit en stad geleë in Uusimaa aan die suidkus van die republiek Finland. Espoo lê direk wes van die hoofstad Helsinki en maak deel uit van die stedelike agglomerasie, net soos Vantaa en Kauniainen.

Espoo Espoo – Esbo
Stad en munisipaliteit
Espoon kaupunki Esbo stad
Kloksgewys van bo: Kim van kantore in Keilaniemi, Panoramatoring in Leppävaara, die Espoo-kultuursentrum, Haukilahti-dokke, die Gallen-Kallela Museum, Aalto Universiteit se kampusouditorium, en die Accountor-toring.
Wapen
Ligging in Uusimaa-streek en die Helsinki substreek
Espoo Ligging in Finland Espoo Espoo (Europa)
Koördinate: 60°12′20″N 024°39′20″O
Land	Finland
Streek	Uusimaa
Substreek	Helsinki
Gestig	1458
Verklaar tot stad	1972
Regering
• Stadsbestuurder	Jukka Mäkelä
Oppervlak
• Totaal	528,03 km2 (203,87 vk. myl)
• Land	312,26 km2 (120,56 vk. myl)
• Water	215,88 km2 (83,35 vk. myl)
Oppervlakrang	230-grootste in Finland
Bevolking  ((2020-07-31)) 2de grootste in Finland
• Totaal	291 439
• Digtheid	550/km2 (1 400/vk. myl)
Tydsone	UTC+02:00 (Oos-Europese Tyd)
• Somertyd	UTC+03:00 (Oos-Europese Somertyd)
Köppenklimaat	Vogtige kontinentaal met koel somers
Webwerf	www.espoo.fi

Espoo is 'n tweetalige stad met Fins as meerderheidstaal (± 85%) en Sweeds as minderheidstaal (8,9%).

Geskiedenis

In die 13de eeu stig Sweedse immigrante die dorp Espaby. Die eerste (hout) kerk word in die tweede helfte van die 14de eeu gebou. Dié gebou word einde 15de eeu deur 'n steenkerkgebou vervang. Die eerste vermelding van Espoo in geskrifte kom eers in 1431 voor.

Einde 19e eeu profiteerde die industrie in Espoo van die groeiende, nabygeleë Helsinki. Die aanlê van 'n spoorlyn in 1903 maak dit geriefliker vir mense en maatskappye om hulself in Espoo te gaan vestig. Belangrike industrieë was die baksteenfabrieke en glasfabrieke. Die stad groei eksponensieel sedert die 1950's. Die dienstesektor word hierna die belangrikste werkgewer.

Tot die einde van die jare veertig was Sweeds die belangrikste taal in Espoo. Daarna kry die Finssprekendes die oorhand.

Espoo het in 1972 amptelik 'n stad geword.

Espoo vandag

Espoo (oppervlakte 528 km², waarvan 312 km² land) is die snelgroeiendste stad in Finland. Op 31 Mei 2010 tel die stad se inwoners 245 646 inwoners. Na Helsinki is dit die grootste munisipaliteit in die land. Espoo huisves die Tegniese Universiteit Helsinki met ongeveer 13 000 studente, en het verder vele navorsingsinstitute, vernaamlik hoëtegnologiebedrywe. So bevind die hoofkantoor van die vervaardiger van selfone, Nokia, hom in Espoo. Ook KONE, op drie na grootste hysbakprodusent ter wêreld, se hoofkwartier is hier

Espoo bestaan uit 'n losse versameling voorstedelike woonbuurte wat wes van Helsinki oor 'n groot gebied uitstrek. 'n Duidelike stadsentrum ontbreek. Espoo bestaan uit sewe kleiner administratiewe sentrums, naamlik: Leppävaara, Tapiola, Matinkylä-Olari, Espoonlahti, Espoon keskus, Kauklahti en Kalajärvi.

Sport

FC Honka Espoo is die belangrikste sokkerklub van Espoo.

Die Espoo Blues is die belangrikste yshokkieklub van die stad en speel hul tuiswedstryde in die Espoo Metro Areena.

Gebore in Espoo

• Jussi Jaatinen (1964), dirigent
• JJ Lehto (1966), renjaer
• Jussi Sydänmaa (1972), kitaarspeler
• Antti Kasvio (1973), swemmer
• Samer el Nahhal (1976), basspeler
• Erna Siikavirta (1977), pianis
• Charles Wegelius (1978), fietsryer
• Alexi Laiho (1979), kitaarspeler
• Jaska Raatikainen (1979), tromspeler
• Kimi Räikkönen (1979), F1-renjaer
• Aki Hakala (1979), tromspeler
• Janne Wirman (1979), pianis
• Henkka T. Blacksmith (1980), basspeler
• Paulus Roiha (1980), sokkerspeler
• Jarmo Valtonen (1982), skaatser
• Minea Blomqvist (1985), gholfspeler
• Niki Mäenpää (1985), sokkerspeler
• Ville Jalasto (1986), sokkerspeler
• Juha Hakola (1987), sokkerspeler
• Laura Lepistö (1988), figuurskaatser
• Ursula Wikström (1990), gholfspeler
• Rasmus Schüller (1991), sokkerspeler

Eksterne skakels

• • (en) Amptelike webblad stad Espoo Geargiveer 20 April 2006 op Wayback Machine
  • Helsinki University of Technology

Hierdie artikel is in sy geheel of gedeeltelik vanuit die Nederlandse Wikipedia vertaal.