Gifboom

Die gifboom (Euphorbia virosa) is 'n plant van die Naboomfamilie Euphorbiaceae. Dit het 'n kort hoofstam, gewoonlik verdraaid, waarvan 5–10 cm-dik takke uitspruit. Hierdie blaarlose takke is 5- tot 8-hoekig. Gepaarde dorings (aangepasde blare) groei reëlmatig gespasiëerd op die hoekribbe.

Gifboom
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Malpighiales
Familie:	Euphorbiaceae
Genus:	Euphorbia
Spesie:	E. virosa
Binomiale naam
Euphorbia virosa Willd., (1799)

Euphorbia virosa is algemeen verspreid vanaf die Oranjerivier in Suid-Afrika tot in suid-Angola, en is grootliks tot die ariede dele van Namibië beperk. Die plant bevat in die stamme 'n melkerige, romerige substansie met karsinogeniese eienskappe. Hierdie besonder giftige substansie word deur Boesmans gebruik, om te smeer op die punte van hul jagpyle. Kontak daarmee veroorsaak velirritasie, en indien die oë aangetas word, kan dit blindheid veroorsaak.

Subspesies

Die spesie het twee subspesies:

• Euphorbia virosa subsp. arenicola L.C.Leach
• Euphorbia virosa subsp. virosa

Sien ook

• Alfabetiese lys van Suid-Afrikaanse bome

Bronne

• REDLIST Sanbi
• Plants of the World Online

Eksterne skakels

• "Euphorbia virosa". Desert-tropicals. Geargiveer vanaf die oorspronklike op 11 Februarie 2010. Besoek op 15 Februarie 2010.
• "Euphorbia virosa". The Cactus and succulent plant mall. Besoek op 15 Februarie 2010.
• "Euphorbia virosa in Spain". La Guía de Plantas. Besoek op 15 Februarie 2010.