Euphorbiaceae

Euphorbiaceae is die spesieryke naboom-familie wat tot die orde Malpighiales behoort. In Suid-Afrika is die bekendste genus Euphorbia, wat dikwels verkeerdelik kaktusse genoem word. Die Euphorbia-genus bestaan uit robuuste, vetplantagtige, doringrige plante wat melkerige sap bevat. Lede van die familie word herken aan hul drielobbige vrugte, enkelvoudige blare en melkerige sap wat afgeskei word as dit beskadig word. Hierdie sap kan soms ook giftig wees. Wêreldwyd behoort 7 500 plantspesies tot die familie, waarvan ongeveer 400 in Suider-Afrika voorkom en 100 bome is.

Euphorbiaceae
Die blare, bloeiwyse en vrug van 'n kemierieneut (Aleurites moluccana), 'n boomspesie wat wyd verbou word
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Malpighiales
Familie:	Euphorbiaceae Juss.
Subfamilies
Acalyphoideae Crotonoideae Euphorbioideae, ens.

Spesies

Van die Suid-Afrikaanse spesies is:

• Boskoorsbessie (Croton sylvaticus)
• Bosveldkandelaarnaboom (Euphorbia cooperi)
• Bosysterpruim (Drypetes gerrardii)
• Duikerbessie (Sapium integerrimum)
• Gifboom (Euphorbia virosa)
• Heuningnaboom (Euphorbia tetragona)
• Koorsbessie (Croton megalobotrys)
• Kraalnaboom (Euphorbia tirucalli)
• Laeveldnaboom (Euphorbia evansii)
• Laventelkoorsbessie (Croton gratissimus)
• Lebombo-ysterhout (Androstachys johnsonii)
• Lebombonaboom (Euphorbia confinalis)
• Manketti (Schinziophyton rautaneni)
• Naboom (Euphorbia ingens)
• Riviernaboom (Euphorbia triangularis)
• Stamvrugysterpruim (Drypetes natalensis)
• Tambotie (Spirostachys africana)
• Valleibosnaboom (Euphorbia grandidens)
• Voëlsitboom (Antidesma venosum)
• Vratjievrugbliksembos (Clutia pulchella)
• Wildepopulier (Macaranga capensis)

Sien ook

• Alfabetiese lys van Suid-Afrikaanse bome
• Noorsveld

Bronne

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
• Watter Boom is dit? Eugene Moll 2013 ISBN 978 1 77007 832 1