Euphorbiaceae

Euphorbiaceae is die naboom-familie wat hoort tot die orde Malpighiales. Hierdie is 'n groot familie en in Suid-Afrika is die bekendste genus Euphorbia, die vetplantagtige, melkerige, doringe plante. Die plante word dikwels verkeerdelik kaktusse genoem. Lede van die familie word herken aan die drie-lobbige vrugte, enkelvoudige blare en melkerige sap wat afgeskei word wanneer dit beskadig word. Die sap kan soms ook giftig wees. Wêreldwyd hoort daar 7,500 spesies tot die familie waarvan ongeveer 400 in Suider-Afrika voorkom en 100 is bome.

Euphorbiaceae
Aleurites moluccana
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Malpighiales
Familie:	Euphorbiaceae Juss.
Subfamilies
Acalyphoideae Crotonoideae Euphorbioideae Ens.

Spesies

Van die Suid-Afrikaanse spesies is:

• Boskoorsbessie (Croton sylvaticus)
• Bosveldkandelaarnaboom (Euphorbia cooperi)
• Bosysterpruim (Drypetes gerrardii)
• Duikerbessie (Sapium integerrimum)
• Gifboom (Euphorbia virosa)
• Heuningnaboom (Euphorbia tetragona)
• Koorsbessie (Croton megalobotrys)
• Kraalnaboom (Euphorbia tirucalli)
• Laeveldnaboom (Euphorbia evansii)
• Laventelkoorsbessie (Croton gratissimus)
• Lebombo-ysterhout (Androstachys johnsonii)
• Lebombonaboom (Euphorbia confinalis)
• Manketti (Schinziophyton rautaneni)
• Naboom (Euphorbia ingens)
• Riviernaboom (Euphorbia triangularis)
• Stamvrugysterpruim (Drypetes natalensis)
• Tambotie (Spirostachys africana)
• Valleibosnaboom (Euphorbia grandidens)
• Voëlsitboom (Antidesma venosum)
• Vratjievrugbliksembos (Clutia pulchella)
• Wildepopulier (Macaranga capensis)

Sien ook

• Alfabetiese lys van Suid-Afrikaanse bome

Bronne

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
• Watter Boom is dit? Eugene Moll 2013 ISBN 978 1 77007 832 1