Euphorbia

Euphorbia is 'n genus wat behoort tot die familie Euphorbiaceae. Meer as 2000 spesies hoort tot die genus en hulle word hoofsaaklik in die warmer gedeelte van die wêreld aangetref. Daar kom sowat 200 spesies in Suid-Afrika voor waarvan slegs 14 bome is. Die plante lyk baie soos kaktusse en word maklik daarmee verwar. Alle Euphorbia spesies produseer 'n melkerige sap wat giftig is. Die veroorsaak irritasies of blasies op die vel indien dit daarmee in aanraking kom. Dit kan ook blindheid veroorsaak indien dit in die oë kom. Die Poinsettia (Euphorbia pulcerrima) is 'n bekende spesie; dit kom eindelik vanaf Meksiko.

Euphorbia
Euphorbia cf. serrata
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Malpighiales
Familie:	Euphorbiaceae
Subfamilie:	Euphorbioideae
Tribus:	Euphorbieae
Subtribus:	Euphorbiinae Griseb.
Genus:	Euphorbia L.
Tipespesie
Euphorbia antiquorum L.
Subgenera
Chamaesyce Esula Euphorbia Rhizanthium
Sinonieme
Chamaesyce Elaeophorbia Endadenium Monadenium Synadenium Pedilanthus

Suid-Afrikaanse spesies

• Beeskrag (Euphorbia hamata)
• Beesmelkbos (Euphorbia mauritanica)
• Bosveldkandelaarnaboom (Euphorbia cooperi)
• Diklootmelkbos (Euphorbia dregeana)
• Gifboom (Euphorbia virosa)
• Gifmelkbos (Euphorbia marginata)
• Heuningnaboom (Euphorbia tetragona)
• Kortstamnaboom (Euphorbia otjingandu)
• Kraalnaboom (Euphorbia tirucalli)
• Laeveldnaboom (Euphorbia evansii)
• Lebombonaboom (Euphorbia confinalis)
• Naboom (Euphorbia ingens)
• Riviernaboom (Euphorbia triangularis)
• Valleibosnaboom (Euphorbia grandidens)
• Vingerpol (Euphorbia caput-medusae)

Uitheemse spesies

• Poinsettia (Euphorbia pulcherrima)

Sien ook

• Alfabetiese lys van Suid-Afrikaanse bome

Bron

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8