Eva
- Hierdie artikel handel oor die Bybelse persoon. Vir ander gebruike, sien Eva (dubbelsinnig).
Eva (Hebreeus: חַוָּה, Chava; Arabies: حَوَّاء, Ḥawwāʾ; Grieks: Εὕα, Heúa; Latyn: Eva) is 'n persoon in Beresjiet/Genesis van die Hebreeuse Bybel en in die skeppingsverhaal in die Koran.[1] Volgens die skeppingsverhaal[2] van die Abrahamitiese gelowe was sy die eerste vrou. Eva is bekend as Adam se vrou.
Eva | |
|---|---|
 Eva, skildery deur Pantaleon Szyndler, 1889 | |
| Gebore | Geskape op die 6de dag |
| Sterf | ca. 930 ná die skepping van die wêreld |
| Eggenoot | Bybels: Adam |
| Kinders | Bybels: Kain, Abel en Seth (drie seuns) Buite-Bybels: Awan, Azura, en Luluwa of Aclima (drie dogters) |
| Eva | |
|---|---|
 Eva word geskep | |
| Vereer in | Judaïsme, Christendom, Islam, Baha’i-geloof |
| Feesdag | 24 Desember – Rooms-Katolieke Kerk |
Volgens die tweede hoofstuk van Beresjiet/Genesis is Eva deur God (JHWH/Allah) uit een van Adam se ribbebene geskape,[3][4] om Adam se metgesel te wees. Sy val onder die versoeking van die slang om die verbode vrug van die boom van kennis van goed en kwaad te eet. Sy deel die vrug met Adam, en as gevolg daarvan word die eerste mense uit die Tuin van Eden verban.[5] Christelike kerke verskil oor hoe hulle Adam en Eva se ongehoorsaamheid aan God (dikwels die sondeval genoem) beskou, en die gevolge wat hierdie optrede op die res van die mensdom gehad het. Christelike en Joodse leringe hou Adam (die eerste man) en Eva soms op 'n ander vlak van verantwoordelikheid vir die sondeval, hoewel volgens Islamitiese leringe albei ewe verantwoordelik is.
Volgens antieke tradisies beskou die Rooms-Katolieke Kerk Eva saam met Adam as heilige.[6] Die tradisionele liturgiese fees van die heiliges Adam en Eva word sedert die Middeleeue in baie Europese lande soos Duitsland, Estland, Hongarye, Litaue en die Skandinawiese lande op 24 Desember gehou.
Baie vorms van Kreasionisme en Bybelse literalisme beskou Eva as 'n historiese persoon.
Etimologie
wysigDie woord "Adam" (Hebreeus: אָדָם, ādām), wat in die skeppingsverhaal as 'n eienaam gebruik word, beteken "mens" (in teenstelling tot ander wesens, veral diere). As gevolg van die skepping word na die verwante woord Adamah (Hebreeus: אֲדָמָה, ădāmāh "aarde", grond") verwys.[7]
Die naam "Eva" (Hebreeus: חַוָּה, ḥawwāh of cḥawwah; [ħaˈva] of [χaˈva]) hou verband met die werkwoord חיה chajah ("leef", "lewendig bly") en beteken dus "die geanimeerde".[8] Na hierdie naam word in die Hebreeuse Bybel net twee keer verwys, naamlik in Beresjiet/Genesis 3,20 en 4,1. Voorheen word na haar net as "vrou van Adam" verwys. Die Hebreeuse woorde vir vrou (אִשָּׁה, iššāh) en man (איִשׁ, īš) lyk amper dieselfde, hoewel hulle nie met mekaar verwant is nie. Dit is egter 'n woordspeling: Soos die mens (ādām) uit die aarde (ădāmāh) geskape is, is die vrou (iššāh) uit die man (īš) geskape.
In die Septuagint word die naam Adam as 'n eienaam αδαμ adam gebruik, terwyl die naam van Eva met ΖωἠZoë "lewe" vertaal word. In die Nuwe Testament, wat net twee keer na Eva verwys (2 Korintiërs 11,3 en 1 Timoteus 2,13), word Eva se naam met die Griekse Εὕα Heúa weergegee. In die Middeleeuse Biblia Vulgata is haar naam Hava, Heva of later Eva.
Sien ook
wysigVerwysings
wysig- ↑ Koran 3,59
- ↑ Womack 2005, p. 81
- ↑ (af) "Genesis 2,21". Bybel: Genesis. Bybelgenootskap van Suid-Afrika. Besoek op 23 Augustus 2019.
Toe het die Here God 'n diep slaap oor die mens laat kom, sodat hy vas geslaap het. Die Here God neem toe 'n ribbebeen uit die mens, vul die plek met vleis op,
- ↑ (af) "Genesis 2,22". Bybel: Genesis. Bybelgenootskap van Suid-Afrika. Besoek op 23 Augustus 2019.
en die ribbebeen wat Hy uit die mens geneem het, bou Hy om tot 'n vrou en bring haar na die mens toe.
- ↑ (en) Behbūdī, Muhammad Bāqir (1997). The Quran: A New Interpretation. Psychology Press. p. 87. ISBN 978-0-7007-0407-1.
- ↑ (en) Steve Ray, "St[s]. Adam and Eve, St. Abraham, St. Moses – Did You Know Some Old Testament People Are Saints?", https://www.catholicconvert.com/blog/2019/01/16/st-adam-eve-st-abraham-st-moses-did-you-know-some-old-testament-people-are-saints/ Geargiveer 21 Julie 2019 op Wayback Machine; confer Catechism of the Catholic Church, 61.
- ↑ (de) Wilhelm Gesenius: Hebräisches und Aramäisches Handwörterbuch über das Alte Testament. Uitgereik deur Herbert Donner. 18de uitgawe. Springer, Berlyn/Heidelberg 1995, bl. 10/11.
- ↑ (de) Wilhelm Gesenius: Hebräisches und Aramäisches Handwörterbuch über das Alte Testament. Uitgereik deur Herbert Donner. 18de uitgawe. Springer, Berlyn/Heidelberg 1995, bl. 217–226.
Eksterne skakels
wysig
Wikimedia Commons het meer media in die kategorie Eva.- (en) "Adam". Jewish Encyclopedia. Besoek op 23 Augustus 2019.
- (en) "Adam and Eve". Encyclopædia Britannica. Besoek op 23 Augustus 2019.
