Ford Laser
Die Ford Laser is 'n kompakte motor wat deur Ford in Asië, Oseanië, en dele van Suid-Amerika en Afrika verkoop is. Dit was oor die algemeen as 'n sedan of luikrug, asook in omskepbare, wa en bakkieweergawes in verskillende markte beskikbaar.
_GL_Grand_Slam_5-door_hatchback_(2008-08-24)_01.jpg) 1992-1995 Ford KH Laser GL 5-deurluikrug | |
| Oorsig | |
|---|---|
| Vervaardiger | Ford Motormaatskappy |
| Ook genoem | Ford Meteor |
| Produksie | 1980-2003 |
| Montering | Oakville, Ontario, Kanada en wêreldwyd[1] ook Pretoria, Suid-Afrika |
| Bakwerk en onderstel | |
| Klas | kompakte motor |
| Plek in geskiedenis | |
| Voorganger | Ford Escort |
| Opvolger | Ford Focus |
| Variante | Ford Capri Mazda 323 Mercury Tracer |
Verhouding met Mazda 323 wysig
Die Ford Laser is 'n hersiene weergawe van die Familia/323 modelle wat deur Mazda in Japan vervaardig is vanaf 1980. Ford het 'n belang van 25% in Mazda verkry in 1979.
In Australië, Nieu-Seeland en Europa waar Ford as 'n "plaaslike merk" beskou is, het die Laser sy Mazda-tweeling uitoorlê, maar in naburige Asiatiese lande, soos Singapoer, Maleisië en Hongkong, sowel as Japan self, was die teenoorgestelde waar. Met die saamvoeging van hulpbronne met Mazda is Ford toegelaat om 'n vastrapplek in die streek te handhaaf. Dit was ook die geval in Suid-Amerika, Afrika en die Karibiese Eilande, waar die Laser ook verkoop is, en in baie gevalle plaaslik gemonteer is.
Meteor-weergawe wysig
_Ghia_sedan_01.jpg)
_Ghia_sedan_03.jpg)
Die Ford Meteor wat in 1981 bekendgestel is, is die naam wat aan die sedanweergawe van die Laser gegee is.[2][3]
Toe die Meteor in Australië vrygestel is in 1981 as die GA-reeks, het dit die groter Cortina vervang, hoewel dit slegs 'n tydelike maatreël was totdat die Telstar vrygestel is.
Die Meteor se sierrooster het effens verskil. Die Laser se oranje flikkerligte is met wittes vervang en die sierrooster het 'n "eierkrat" patroon in stede van die gewone swart stroke van die Laser. Die Meteor het ook groter hoofligte as die Laser, wat kleiner ligte "gesonke" in die bakwerk gehad het. In Australië was dit slegs beskikbaar met 'n 1.5 liter-enjin tydens bekendstelling in GL en Ghia afwerking - die 1.1 en 1.3 liter-enjins was nie besikbaar nie. Dit was natuurlik harde werk om die Cortina te vervang, wat enjins van 2.0 liter tot die 4.1 liter-sessilinder gehad het.
Die opgeknapte model in 1983, gekodeer GB, het die reeks nader aan mekaar gebring, maar die Meteor is voortgesit as 'n afsonderlike premielyn.
Die Meteor-naam is in 1987 in Australië gestaak, met die Laser-naam wat daarna vir sedans sowel as luikrugmotors gebruik is. Die naam het egter bly voortleef in Suid-Afrika van 1986 tot 1995. Bykomend tot die 1.3 L en 1.6 L vergasserenjins en die 1.6 L EFI enjin, het Suid-Afrikaanse modelle van die Laser en Meteor ook van 1991-1993 die Mazda FE-DOHC EFI 16-klepenjin bygekry wat 109 kW (146 pk) en 184 N·m gelewer het.
Verwysings wysig
- ↑ "Facilities | Ford Motor Company Newsroom" (in Engels). Media.ford.com. Geargiveer vanaf die oorspronklike op 17 Junie 2012. Besoek op 27 Julie 2010.
- ↑ "Mazda's woes reflected in boxy designs" (in Engels). JY&A Media. 1 Junie 1999. Geargiveer vanaf die oorspronklike op 4 Maart 2016. Besoek op 2 Junie 2009.
- ↑ "Which Ford where?" (in Engels). JY&A Media. 1 Junie 1999. Geargiveer vanaf die oorspronklike op 9 Desember 2018. Besoek op 22 Januarie 2008.
| Hierdie artikel is in sy geheel of gedeeltelik vanuit die Engelse Wikipedia vertaal. |
