Fort Thomson
Fort Thomson was een van 'n groot aantal vestings wat tydens die nege Kaapse grensoorloë (1779–1877) aan die oosgrens van die Kaapkolonie gebou is.
Een linie forte het vanaf Fort Peddie noordwaarts langs die Keiskammarivier en sy boloop die Tjumirivier geloop. Dit het bestaan uit Fort Montgomery Williams, Line's Drift, Fort Willshire en Fort Thomson.
Fort Thomson is tydens die Sesde Grensoorlog op bevel van kol. Harry Smith naby die samevloeiing van die Gaga- en die Tyhumerivier gebou. Dit is net buite die dorp Alice op die ou pad na Fort Beaufort. Die doel van die vesting was om toesig te hou oor die Xhosas in die vallei van die Tyhumirivier. Hierdie klein klipfort kon 10 ruiters, 30 Engelse en 30 Khoikhoi-voetsoldate huisves. Dit is vernoem na lt.kol. R.T. Thomson, bevelvoerder van die Royal Engineers op die oosgrens. In Junie 1836 het kol. Henry Somerset hier met die Xhosa-hoofmanne Maqoma en Tyali onderhandel. Met die opheffing van die Britse gesag oor die Provinsie van Koningin Adelaide is die fort ontruim.
Bronne
wysig- Fort Beaufort Museum
- www.mbendi.com
Sien ook
wysig