Die Fraserrivier (Engels: Fraser River; Frans: Fleuve Fraser) is 'n groot suidwes-vloeiende rivier in Kanada. Die Fraserrivier het 'n lengte van 2 657 km en is die langste rivier wat geheel en al deur die Kanadese provinsie Brits-Columbië vloei.

Fraserrivier
Die Fraserrivier by Westminster Abbey, bo Hatzic in Mission, Brits-Columbië, aansig stroomop (oos).
Die Fraserrivier by Westminster Abbey, bo Hatzic in Mission, Brits-Columbië, aansig stroomop (oos).
Fraser River Basin Map.jpg
Die stroomgebied van die Fraserrivier.
Oorsprong Rotsgebergte, Brits-Columbië, (Kanada)
Monding Fraserrivierdelta suid van Vancouver, Brits-Columbië, Kanada
Stille Oseaan
Stroomgebied Brits-Columbië
Lengte 2 657 km (1 651 myl)[1]
Oorspronghoogte 2 145 m (7 037 vt)
Mondinghoogte 0 m (0 vt)
Gemiddelde afloop 3 475 m³/s (122 718 vt³/s)[2][3]
Stroomgebiedopp. 220 000 km² (84 942 myl²)
Kaart van die Fraserrivier-bekken in Noord-Amerika.
Kaart van die Fraserrivier-bekken in Noord-Amerika.
Oorsprong van die Fraserrivier by Fraserpas, Brits-Columbië, Kanada

Die Fraserrivier ontspring in die Rotsgebergte net oos van die grens met Alberta (net oorkant die grens ontspring die Athabascarivier) en vloei eers in 'n noordwestelike rigting. Naby Prince George doen die rivier 'n skerp draai in 'n suidelike rigting en raak amper die grens met die Verenigde State. Daarna vloei dit in 'n westelike rigting voordat die rivier net suid van Vancouver tussen die vasteland en die Vancouver-eiland in die Stille Oseaan uitmond.

Op 14 Junie 1792 trek die Spaanse ontdekkingsreisigers Dionisio Alcalá Galiano en Cayetano Valdes as eerste Europeërs in die noordelike mondingsarm in.[4] Die boloop is in 1793 deur die Skotse ontdekkingsreisiger Alexander Mackenzie verken. Simon Fraser het in 1808 die hele Fraserrivier bevaar en bevestig, dat dit nie met die Columbiarivier verbind is nie.

Die ontwikkeling van die provinsie Brits-Columbië hang met die rivier saam, aangesien die gebied suid van die 49ste Breedtegraad met die Oregon-Verdrag in 1846 aan die Verenigde State afgestaan is. Sedertdien is die Fraserrivier een van die hoofroetes tussen die binneland en die kus.[5]

VerwysingsWysig

  1. (en) "Lower Fraser River Hydraulic Model – Summary of Results" (PDF). 14 November 2006. Geargiveer vanaf die oorspronklike (PDF) op 27 Februarie 2012. Besoek op 12 Februarie 2015.
  2. (en) Ambient Water Quality Assessment and Objectives for the Fraser River sub-basin from Kanaka Creek to the Mouth, BC Ministry of Environment
  3. (en) "Comprehensive Review of Fraser River at Hope: Flood Hydrology and Flows, Scoping Study Final Report" (PDF). BC Ministry of Environment. Oktober 2008. Geargiveer (PDF) vanaf die oorspronklike op 3 Maart 2016. Besoek op 12 Februarie 2015.
  4. (en) Hayes, Derek (1999). Historical Atlas of the Pacific Northwest: Maps of exploration and Discovery. Sasquatch Books. ISBN 1-57061-215-3.
  5. (en) "Fraser River". Canadian Council for Geographic Education. Geargiveer vanaf die oorspronklike op 25 November 2009. Besoek op 12 Februarie 2015.

Eksterne skakelsWysig