Frederick Courtney Selous

Frederick Courtney Selous (1851 – 1917) was 'n Rhodesiese jagter en ontdekkingsreisiger. Hy is in 1851 in Londen gebore en ontvang sy skoolopleiding in Rugby. Hy arriveer in 1871 in Afrika, land in Port Elizabeth en reis na Kimberley waarvandaan hy op sy eerste ekspedisie na Matabeleland vertrek het. Hy word gou 'n bekende figuur en het groot respek afgedwing by die Matabelekoning, Lobengula, en sy onderdane. Tussen 1876 en 1878 het hy ver anderkant die Zambezirivier in die Kafue-gebied handel gedryf en in 1879 na Mashukulumbwe gereis. Sy eerste boek het groot belangstelling in die jag van grootwild laat ontstaan en na 'n besoek aan Brittanje keer hy in 1881 terug om hom as volstruisboer hier te vestig. In plaas daarvan reis hy na Barotseland. In 1889 ontmoet hy Cecil John Rhodes in verband met laasgenoemde se plan vir die stigting van die Chartered Company en die besetting van Masjonaland. Selous onderneem om in 1890 as gids op te tree vir die voorgestelde ekspedisie. Hy het groot bekendheid verwerf maar weinige geldelike vergoeding. Nadat hy in die Eerste Matabele-oorlog geveg het gaan hy terug na Engeland. Hy het in 1917 in Oos-Afrika gesneuwel tydens die Eerste Wêreldoorlog.

Frederick Courtney Selous
Frederick Courtney Selous, ca. 1911
Geboortedatum	31 Desember 1851
Geboorteplek	Londen, Engeland
Sterfdatum	4 Januarie 1917 (op 65)
Sterfplek	Behobeho, Duits-Oos-Afrika (nou die Selous-wildreservaat in suidoostelike Tanzanië)
Lojaliteit	Verenigde Koninkryk
Diens/Tak	Britse Leër
Rang	Kaptein
Poste beklee	Bulawayo Veldmag, Matabeleland; 25th Royal Fusiliers, Oos-Afrika
Veldslae/oorloë	Eerste Matabele-oorlog Matabele-opstand Eerste Wêreldoorlog Oos-Afrika-veldtog
Toekennings	Founder's Medal of the Royal Geographical Society British South Africa Company Medal Distinguished Service Order
Ander werk	Beroemde Afrika-jagter en ontdekkingsreisiger, natuurbewaarder, skrywer

Grafsteen van FC Selous by Chokawali aan die Rufigi-rivier, in die Selous-wildreservaat, Tanzanië,

Bron

• Rosenthal, Eric. 1967. Ensiklopedie van Suidelike Afrika

Eksterne skakels

• Wikimedia Commons het meer media in die kategorie Frederick Courtney Selous.