Frik du Preez
Frederik Christoffel Hendrik "Frik" du Preez (gebore 28 November 1935) is 'n voormalige Suid-Afrikaanse rugbyspeler wat Noord-Transvaal en die Springbokke verteenwoordig het. Hy is op 'n plaas naby Rustenburg gebore en het by Hoërskool Parys in Parys (Oranje-Vrystaat) skoolgegaan. Du Preez het meestal in die flank- of slotposisies gespeel.
| |||||
| Volle naam | Frederik Christoffel Hendrik du Preez | ||||
|---|---|---|---|---|---|
| Geboortedatum | 28 November 1935 | ||||
| Geboorteplek | Distrik Rustenburg, Suid-Afrika | ||||
| Skool | Standerton & Parys Hoërskole | ||||
| Beroep | Lugmag, Boer | ||||
| Rugbyloopbaan | |||||
| Loopbaan as speler | |||||
| Posisie(s) | Slot, flank | ||||
| Amateurspanne | |||||
| Jare | Klub / span | Weds | (pte) | ||
| Weermag | |||||
| Provinsiale- / Staatspanne | |||||
| Jare | Klub / span | Weds | (pte) | ||
| Noord Transvaal | |||||
| Nasionale span(ne) | |||||
| Jare | Land | Weds | (pte) | ||
| 1960-1971 | .svg){kind=small} Suid-Afrika
|
38 | (3) | ||
Du Preez het sy toetsbuiging vir die Springbokke op 7 Januarie 1961 in die flankposisie teen Engeland op Twickenham gemaak. Hy speel sy laaste toets op 7 Augustus 1971 op die ouderdom van 35 as 'n slot teen Australië op die Sydney-krieketveld.
Du Preez was 'n uitstekende veelsydige rugbyspeler, en soos die Australiese slot John Eales was hy daardie seldsame verskynsel: 'n slot wat pale toe kon skop en selfs skepskop. Alhoewel hy nie besonder lank was nie, was hy 'n toring van krag in die lynstaan. Boonop het hy fantastiese spoed en fyn hardloopvaardighede met bal in die hand gehad, soos hy gewys het in die drie wat hy in 1968 teen die Britse Leeusgedruk het.
As 'n uitdrukking van die agting wat hy deur Suid-Afrikaanse rugbyliefhebbers geniet, is Du Preez aangewys as die land se rugbyspeler van die 20ste eeu.
Persoonlik lewe wysig
Hy het skoolgegaan aan die Hoërskole Standerton en Parys. Hy het in die Lugmag begin werk en later in die Bray-omgewing geboer.
Provinsiale loopbaan wysig
Hy het sy provinsiale rugby vir die destydse Noord-Transvaal as flank en slot gespeel.
Internasionale loopbaan wysig
Sy internasionale rugbyloopbaan het vanaf 1960 tot 1971 gestrek. Hy verteenwoordig Suid-Afrika in 38 toetse, 'n Suid-Afrikaanse rekord vir daardie tyd. Hy het een toetsdrie gedruk.[1]
Verwysings wysig
- ↑ 30 Super Springboks. Paul Dobson. 1995. ISBN 0-7981-3411-9
Eksterne skakels wysig
- Frik du Preez by www.genslin.us/bokke