Rassemblement National
Die Rassemblement National (tot 1 Junie 2018: Front National (FN)) is 'n regsgesinde, populistiese en nasionalistiese politieke party in Frankryk, gestig in 1972 deur Jean-Marie Le Pen. Die RN beweer dat hulle omtrent 75 000 lede het. In die Franse 2002 presidensiële verkiesing het Jean-Marie Le Pen tweede na Jacques Chirac gekom. Marine Le Pen het in Januarie 2011 haar vader opgevolg.
| Rassemblement National | |
| RN | |
| |
Logo van die Rassemblement National
| |
| Leier | Marine Le Pen |
|---|---|
| Gestig | 5 Oktober 1972 |
| Hoofkwartier | 76-78 rue des Suisses, 92000 Nanterre |
| Jeugvleuel | Front National de la Jeunesse |
| Ideologie | Franse nasionalisme, sosiale konserwatisme, ekonomiese proteksionisme, Soewereinisme, Regse populisme, Euro skeptisisme, teen globalisme, teen immigrasie |
| Amptelike kleure | Blou, wit en rooi |
| Webblad | frontnational.com |
Alhoewel die RN homself as 'n hoofstroom regse party beskryf, word hy in die media en deur akademici beskryf as ekstreem regs en selfs anti-semities.
Politiese raamwerk
wysigDie Rassemblement National staan vir 'n terugkeer na tradisionele waardes en 'n herinstelling van die doodstraf. Die FN is gekant teen immigrasie veral van Islamitiese lande. In die 1995-verkiesing het mnr. Le Pen voorgestel dat "drie miljoen nie-Europeërs uit Frankryk verwyder moet word op 'n humanitêre manier."