Gereformeerde kerk Rustenburg-Wes

Die Gereformeerde kerk Rustenburg-Wes is die grootste van die drie Afrikaanse gemeentes van die GKSA in Rustenburg, Noordwes. Met ’n sieletal van 736 einde 2015, vergeleke met 1 120 einde 2011, was dit trouens die grootste van al 22 gemeentes in die Klassis Molopo.

Ds. Jan Visser, van 1974 tot 1980 die eerste leraar.

Ds. G.B.C. Bester, van 1980 tot 1986 die tweede leraar, en sy gesin: Anita, Alrina en Bone.

Die gemeente het op 26 Augustus 1973 as derde gemeente van die Gereformeerde kerk Rustenburg afgestig. Die eerste dopeling was Christo Harmse op die stigtingsdag. Kort voor lank het die kerkraad begin beplan om ’n kerk te bou. Die argitek Renier Roos het die plan van die Gereformeerde kerk Meyerspark in Pretoria aangepas by plaaslike omstandighede. Die bouers was Bun Malan en Pieter Eager. Die orrel moes met ’n hyskraan in die kerk aangebring word, maar dit was te groot vir die beskikbare ruimte sodat ’n muur (blykbaar 'n buitemuur) uitgebreek moes word om plek daarvoor te maak. Granite Memorials het ’n gedenksteen geskenk. Die kerk is op 21 November 1979 in gebruik geneem.

Predikante

1. Visser, dr. Jan, 1974 – 1980
2. Bester, Gert Barend Cornelius, 1980 – 1986
3. De Klerk, dr. Theunis Christiaan, 1985 – 1989
4. Opperman, dr. Wilhelm Carl, 1986 – 1989
5. Van der Walt, Johannes Petrus Lodewikus, 1989 – 1998
6. Venter, Piet, 1990 – 2007
7. Buys, Louis Johannes, 1999 – 2011
8. Van Blerk, Petrus Johannes, 2007 – 2015
9. Grobler, Paul Johannes, 2008 – 2009
10. Oosthuizen, Ockert Almero, 2015 – hede

Bronne

• (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
• (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
• (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
• (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.
• (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.