Geregtigheid (tarotkaart)
Geregtigheid is die agtste troefkaart in tarotkaartspeletjies en die agtste of elfde Groot Arcana-kaart in pakke vir waarsêery, na gelang van die pak kaarte. Dit word in albei gebruik.
Beskrywing
wysigDie Geregtigheidskaart verskyn al vroeg in tarot, soos in die Tarot van Marseilles. Dit volg gewoonlik op Die strydwa as kaart nommer VIII, hoewel sommige pakke dié patroon verbreek. Saam met Gerigtigheid is daar nog twee kardinale deugde in die Groot Arcana: gematigheid en krag.
Die figuur op die kaart hou 'n skaal van goud in hulle linkerhand wat op 'n gebalaseerde besluit dui.[1]
Vertolking
wysigVolgens A.E. Waite se boek van 1910 Pictorial Key to the Tarot het die kaart van Geregtigheid verskeie betekenisse in waarsêery:[2]
11 GEREGTIGHEID – billikheid, opregtheid, uitvoerend; triomf van die regte kant in die wet. Omgekeer – wet in alle departemente, metlike komplikasies, engheid, vooroordeel, uitvoerende oormaat.
In astrologie word Geregtigheid verbind met die planeet Venus en die diereriemteken Weegskaal.[3]
Numering
wysigGeregtigheid is tradisioneel die agtste kaart en Krag die elfde, maar die invloedryke Rider-Waite-tarotpak het die posisie van dié twee kaarte omgeruil om hulle beter te laat inpas by die astrologiese ooreenkomste van die Hermetiese Orde van die Goue Daeraad, wat die agtste kaart met die Leeu verbind het en die elfde kaart met die Weegskaal.[4] Vandag gebruik baie pakke steeds dié numering, veral in die Engelssprekende wêreld.
Verwysings
wysig- ↑ Gray, Eden. "Complete Guide to the Tarot." 1970. Crown Publishers, New York, NY.
- ↑ Waite, Arthur Edward (1979). The Pictorial Key to the Tarot. New York: Samuel Weiser. p. 285. ISBN 0-87728-218-8.
- ↑ "Justice Tarot Card". askAstrology.
- ↑ Decker, Ronald; Dummett, Michael (2019). A History of the Occult Tarot. London: Duckworth. p. 82–84. ISBN 9780715645727.
Skakels
wysig
Wikimedia Commons het meer media in die kategorie Geregtigheid (tarotkaart).
Hierdie artikel is in sy geheel of gedeeltelik uit die Engelse Wikipedia vertaal.
