Gevlekte skaapsteker
Die gevlekte skaapsteker (Psammophylax rhombeatus) is 'n slang wat in die grootste gedeelte van Suid-Afrika voorkom met die uitsondering van sentrale Noord-Kaap, noordwestelike Vrystaat, die grootste gedeelte van Noordwes. Dit kom ook in die noordweste van Namibië voor.
| Gevlekte skaapsteker | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Subfilum: | |
| Klas: | |
| Orde: | |
| Suborde: | |
| Familie: | |
| Genus: | |
| Spesie: | P. rhombeatus
|
| Binomiale naam | |
| Psammophylax rhombeatus (Linnaeus, 1758)
| |
Voorkoms
wysigDie slang het twee algemene kleur variasies. In KwaZulu-Natal is is die rugkant lig- tot geelbruin of donkerbruin met twee gelerige strepe teen die lyf af en donkerrandige bruin skubbe naby die pens wat donker strepe vorm of daar kan ook donker vlekke langs die sye wees. Die kop is donker bruinerig met 'n ligte bolip.
Elders in Suider-Afrika is die rugkant silwergrys met donker vlekke met swart rande op die rug en sye. Die donker vlekke op die rug kan 'n patroon vorm; dit kan oranje kolle en spikkels hê. Die kop is donkerbruin met 'n wit bolip en 'n donker vleg agter die oog. Die pens is gelerig met kolle en vlekke.
Die slang is bedags aktief en kom voor van die kus tot op bergtoppe; dit leef in fynbos, grasveld, vogtige savanne en halfwoestyngebiede.
Die skaapboere het vir die skaapsteker sy naam gegee; hulle het geglo dat skape wat as gevolg van slangbyt dood is deur die gevlekte skaapsteker gebyt is. Dit is die waarskynlik die Kaapse kobra wat die skape gepik het.
Sy natuurlike vyande is roofvoëls, klein karnivore en ander slange. Hulle vreet knaagdiere, akkedisse, voëls, paddas en ander slange.
Die slang is ovipaar en lê 8 tot 30 eiers op 'n keer in die somer. Die wyfie lê haar eiers gewoonlik onder 'n klip en sal haar tydens inkubasie om hulle opkrul. Die kleintjies is 15.5 cm tot 24 cm lank.
Die slang se gif is matig en onbeduidend; dit word nie as skadelik beskou nie.
Sien ook
wysigBron
wysig- Slange & slangbyt in Suider-Afrika. Johan Marais. Struik Nature. 2014 ISBN 978 1 77584 024 4