Ghaleb Cachalia
Ghaleb Cachalia (gebore 10 Desember 1970) is 'n besigheidman en voormalige lid van die Nasionale Vergadering van Suid-Afrika vir die Demokratiese Alliansie.
| Ghaleb Cachalia | |
Lid van die parlement
| |
Persoonlike besonderhede
| |
|---|---|
| Gebore | 12 November 1956 |
| Politieke party | Demokratiese Alliansie |
| Alma mater | United World College of the Atlantic University of London School of Oriental and African Studies Universiteit van die Witwatersrand |
Lewensgeskiedenis
wysigVroeë lewe
wysigCachalia is in 1956 in Johannesburg gebore en het grootgeword in Vrededorp, Fordsburg en in Nuggetstraat.[1]
Hy het die Waterford-skool in Swaziland bygewoon om die apartheidsonderwysstelsel te vermy. Sy skoolopleiding daar is egter onderbreek toe die Suid-Afrikaanse regering hom met "paspoortkwessies" gedreig het weens sy ouers se betrokkenheid by anti-apartheidsaktivisme. Hy is na die buiteland gestuur om tien jaar lank by sy oom en tante in Brittanje te gaan bly.[2]
Terwyl hy in die buiteland was, het hy sy O-vlak-studie voltooi, 'n beurs van die United World College of the Atlantic in Wallis ontvang en daarna geskiedenis studeer aan die University of London School of Oriental and African Studies. Hy het hom vir die Anti-Apartheidsbeweging beywer. Na voltooiing van sy studie keer hy terug na Suid-Afrika, waar hy aan die Universiteit van die Witwatersrand in die regte studeer, 'n graad wat hy nie voltooi het nie. Terwyl hy aan die universiteit was, het hy by die Black Students Society aangesluit en die vise-president geword.[1][2]
Sakebelange
wysig| Hierdie afdeling moet uitgebrei word. Jy kan bydra deur dit te wysig. |
Politieke loopbaan
wysigCachalia was 'n lewenslange ondersteuner van die ANC. Hy het egter toenemend ontnugter geraak sedert die Wapenaankoopskandaal,[2] en glo nou dat die ANC nie gered kan word van die "kleptokrasie",[1] korrupsie en eiebelang wat die party kenmerk nie.[3] Dit het daartoe gelei dat hy hom tot die DA wend, wat hy altyd as 'n lojale opposisie beskou het. Hy het vroeg in 2016 as gewone lid by die DA aangesluit,[1] en as burgemeesterskandidaat van die DA vir Ekurhuleni tydens die munisipale verkiesing in 2016 gestaan, op 'n platform van deursigtige en verantwoordbare regering.[4][5] Hy het met slegs 11 stemme teen die ANC-kandidaat verloor.[6]
Op 18 Januarie 2024 het Cachalia as lid van die DA en parlement bedank oor verskille met die party se standpunt oor die oorlog tussen Israel en Hamas.[7]
Verwysings
wysig- ↑ 1,0 1,1 1,2 1,3 Ajam, Kashiefa (23 April 2016). "Cachalia ready to take on his once-treasured ANC". Independent Online (in Engels). Besoek op 16 Mei 2017.
- ↑ 2,0 2,1 2,2 Nicolson, Greg (21 April 2016). "Cachalia: More than a name for the DA?". The Daily Maverick (in Engels). Besoek op 16 Mei 2017.
- ↑ "Cachalia on politics, mayoral candidacy". Polity. Besoek op 16 Mei 2017.
- ↑ Corke, Emily (20 April 2016). "Cachalia: ANC has exploited the history of the country". Eyewitness News. Besoek op 16 Mei 2017.
- ↑ Corke, Emily (19 April 2016). "Ghaleb Cachalia: I joined the DA because the ANC abandoned me". Eyewitness News. Besoek op 16 Mei 2017.
- ↑ Bateman, Chris; Cachalia, Ghaleb (1 Februarie 2017). "Struggle veteran and DA-convert unpacks his party's dilemma". Fin24. Geargiveer vanaf die oorspronklike op 4 Februarie 2017. Besoek op 16 Mei 2017.
- ↑ https://www.timeslive.co.za/politics/2024-01-18-recently-demoted-ghaleb-cachalia-quits-da-over-israeli-hamas-fallout/