Goenavy

plantspesie

Die goenavy of gounavy[1] (Carpobrotus acinaciformis) is 'n vetplantjie uit die vygiefamilie wat endemies is aan Suid-Afrika. Dit kom in die Wes-Kaap voor en is op die SANBI-rooilys as 'veilig' (LC) gelys.[2]

Goenavy
Wetenskaplike klassifikasie edit
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eudicots
Orde: Caryophyllales
Familie: Aizoaceae
Genus: Carpobrotus
Spesie:
C. acinaciformis
Binomiale naam
Carpobrotus acinaciformis
(L.) L.Bolus, 1927
Sinonieme
  • Abryanthemum acinaciforme (L.) Rothm.
  • Carpobrotus concavus L.Bolus
  • Carpobrotus laevigatus (Haw.) Schwantes
  • Carpobrotus rubrocinctus (Haw.) Schwantes
  • Carpobrotus vanzijliae L.Bolus
  • Mesembryanthemum acinaciforme L.
  • Mesembryanthemum laevigatum Haw.
  • Mesembryanthemum rubrocinctum Haw.
  • Mesembryanthemum subalatum Haw.

Soos by ander Carpobrotus-spesies het die blare 'n driehoekige deursnee. Hulle is groen tot donkergroen van kleur, wat verskil van spesies wat blougroen van kleur is. Die blare se vorm word soms met 'n sabel s'n vergelyk en die naam acinaciformis verwys hierna. Die vrugte, blare en blomme is gunstelingkos vir verskeie diere soos skilpaaie, bobbejane en bokkies. Die pofadder is soms verskuil tussen die plantjies om knaagdiere te vang wat dit kom vreet.[3]

Dit is 'n soutliewende plantjie wat in kusgebiede digte matte kan vorm. Dit het indringerstatus in ander gebiede met 'n mediterreense bioom soos Australië, Kalifornië en die Middellandse Seegebied. Dit het selfs Italiaanse name soos Fico degli Ottentotti (Hottentotsvyg) gekry. Die ryp vrugte word geel en is ook vir mense smaaklik om te eet.[4]

Fotogalery wysig

Verwysings wysig

  1. Ook elandsvy or suurvy genoem, maar hierdie word ook vir ander Carpobrotus-spesies gebruik. Ander name is rankvy en strandvy.
  2. "SANBI-rooilys". Geargiveer vanaf die oorspronklike op 22 April 2020.
  3. Operation wildflower Thabo Maphisa.
  4. "Llifle" (in Engels). Geargiveer vanaf die oorspronklike op 16 September 2019. Besoek op 17 Desember 2016.