Grace Jones
Grace Beverly Jones OJ (gebore 19 Mei 1948) is 'n model, sanger en aktrise.[1] Sy is in Jamaika gebore en sy en haar gesin het na Syracuse, New York, verhuis toe sy 'n tiener was.
Die Agbare Grace Jones | |
|---|---|
_-_1st_June_2015_02.jpg) Grace Jones in 2015. | |
| Gebore | Grace Beverly Jones 19 Mei 1948 Spanish Town, Jamaika |
| Beroep | Model, sangeres, aktrise |
| Jare aktief | 1973-tans |
| Eggenoot | Atila Altaunbay |
| Kinders | 1 |
| Webwerf | www |
Model
wysigJones het haar loopbaan as model in die deelstaat New York begin en daarna in Parys voortgesit waar sy vir modehuise soos Yves Saint Laurent en Kenzo gewerk het. Sy het op die voorblaaie van onder meer Elle en Vogue verskyn.
Van die bekende fotograwe saam met wie sy gewerk het, is Jean-Paul Goude, Helmut Newton, Guy Bourdin en Hans Feurer. Sy het bekend geword vir haar uitsonderlike androginiese voorkoms en sterk gelaatstrekke.
_-_1st_June_2015_08.jpg)
Sangeres
wysigIn 1977 het Jones 'n musiekloopbaan begin volg en 'n bekende figuur op New York se Studio 54-gesentreerde diskotoneel geword. In die vroeë 1980's het sy in die rigting van 'n new wave-styl beweeg en swaar geleun op reggae, funk, post-punk en popmusiek. Sy het die Top-40 gehaal op die UK Singles Chart met "Private Life", "Pull Up to the Bumper", "I've Seen That Face Before" en "Slave to the Rhythm". In 1982 het sy die musiekvideoversameling A One Man Show uitgereik wat deur Goude geregisseer is, en daarvoor is sy benoem op die 26ste Grammy-prysuitdeling vir die beste videoalbum. Haar gewildste albums sluit in Warm Leatherette (1980), Nightclubbing (1981) en Slave to the Rhythm (1985).
Aktrise
wysigAs aktrise het Jones in verskeie indie-rolprente verskyn voordat sy haar eerste groot hoofstroomrol losgeslaan het as Zula in die fantasie-aksieprent Conan the Destroyer (1984), saam met Arnold Schwarzenegger en Sarah Douglas. Sy het daarna in die James Bond-fliek A View to a Kill (1985) verskyn as May Day, en toe as 'n vampier in Vamp (1986). Sy is vir almal vir 'n Saturn-prys vir beste byspeelster benoem.
In 1992 het sy in die Eddie Murphy-prent Boomerang gespeel en tot die klankbaan bygedra. Sy het ook in 2001 saam met Tim Curry in Wolf Girl gespeel.
Toekennings
wysigJones het in 1999 die 82ste plek behaal op VH1 se 100 Greatest Women of Rock and Roll. In 2008 het sy die Q Idol Award ontvang. Sy het die fopdosserbeweging van die 1980's beïnvloed en is deur verskeie kunstenaars genoem as inspirasie, insluitende Annie Lennox, Lady Gaga, Rihanna, Solange, Lorde, Róisín Murphy, Brazilian Girls, Nile Rodgers, Santigold en Basement Jaxx.
In 2016 het die tydskrif Billboard haar gelys as die 40ste grootste dansklubkunstenaar van alle tye.[2]
Verwysings
wysig- ↑ "Grace Jones: 'Carry yourself with class'". Irishtimes.com. Besoek op 13 Oktober 2018.
- ↑ "Greatest of All Time Top Dance Club Artists : Page 1". Billboard.com. Desember 2016.
Skakels
wysig
Wikimedia Commons het meer media in die kategorie Grace Jones.
Hierdie artikel is in sy geheel of gedeeltelik uit die Engelse Wikipedia vertaal.
