Graf van die Onbekende Soldaat

'n Graf van die Onbekende Soldaat is 'n monument wat gebou is om die stoflike oorskot van een of meer ongeïdentifiseerde soldate te begrawe. Vanaf die 19de eeu is sulke monumente in verskeie lande opgerig. Hierdie soldate word 'n simbool vir die talle geïdentifiseerde en ongeïdentifiseerde soldate wat tydens 'n oorlog omkom. 'n Jaarlikse herdenking word soms by hierdie grafte gehou.

Die oudste monument van sy soort is vermoedelik die van die Landsoldate (beeldhouer Herman Wilhelm Bissen), wat in 1858 in Frederica, Denemarke opgerig is. Die monument herdenk die gesneuweldes tydens die Eerste Duits-Deense Oorlog. 'n Meer onlangse voorbeeld is 'n monument wat in 2004 in Wellington, Nieu-Seeland opgesit is.

Ná die Eerste Wêreldoorlog het verskillende lande sulke monumente opgerig. Op 11 November 1920 is die Tomb of the Unknown Warrior in Londen en die Tombe du Soldat Inconnu in Parys ingewy. In Frankryk word 'n ewige vlam in 1923 by die graf gevoeg. Dit is later ook op ander plekke, soos in Brussel, gedoen.

Voorbeelde

Land	Plek	Jaar
Griekeland	Athene	1930
België	Brussel	1922
Engeland	Westminster Abbey, Londen	1920
Frankryk	Parys	1921
Italië	Rome	1921
Nederland	Oude Sint-Willibrorduskerk, Waalre	1945
Pole	Warschau	1925
Portugal	Klooster van Batalha	1921
Zimbabwe	Harare	1982

Eksterne skakels

Wikimedia Commons het meer media in die kategorie Graf van die Onbekende Soldaat.