Gregory Peck

Amerikaanse akteur

Eldred Gregory Peck (5 April 191612 Junie 2003) was ’n Amerikaanse akteur. Tussen die 1940's en 1960's was hy een van die wêreld se gewildste sterre en hy het groot rolle gespeel tot in die laat 1970's. Hy is die bekendste vir sy rol as Atticus Finch in die 1962-rolprent To Kill a Mockingbird, waarvoor hy die Oscar vir beste akteur gewen het. Pres. Lyndon B. Johnson het die Presidensiële Medalje van Vryheid in 1969 aan hom toegeken vir sy lewenslange humanitêre werk. In 1999 het die American Film Institute Peck as no. 12 gelys onder die top-100 sterre van alle tye.

Gregory Peck
'n Beeld van die betrokke persoonlikheid.
Publisiteitsfoto van Peck, 1948.

Geboortenaam Eldred Gregory Peck
Geboorte (1916-04-05)5 April 1916
La Jolla, Kalifornië, VSA
Sterfte 12 Junie 2003 (op 87)
Los Angeles, Kalifornië
Nasionaliteit Amerikaans
Beroep(e) Akteur
Aktiewe jare 1942–2000
Internet-rolprentdatabasis-profiel

Vroeë lewe wysig

Peck is in La Jolla, Kalifornië, gebore as die seun van Gregory Pearl Peck, ’n skeikundige en apteker, en Bernice Mae "Bunny" Ayres.[1][2] Sy ouers is geskei toe hy omtrent ses jaar oud was en hy is die volgende paar jaar deur sy ouma aan moederskant grootgemaak.[3]

Sy ouma is dood net nadat Peck op 10-jarige ouderdom by die Katolieke St. John's Military Academy in Los Angeles ingeskryf is en hy het weer by sy pa gaan bly. Op 14 het Peck die Hoërskool San Diego bygewoon.[4] Ná skool het hy vir ’n jaar aan die San Diego-staatsonderwyserskollege studeer en daarna na die Universiteit van Kalifornië, Berkeley verskuif.[5] In sy senior jaar het Peck in vyf toneelstukke verskyn.

Loopbaan wysig

Verhoog wysig

Nadat Peck sy BA-graad in Engels aan Berkeley behaal het, het hy die naam "Eldred" gelos en New York toe gegaan om aan die Neighborhood Playhouse te studeer. In 1940 het hy in ruil vir kos aan die Barter-teater in Abingdon in vyf toneelstukke verskyn. Sy loopbaan het begin toe hy in 1941 in George Bernard Shaw se The Doctor's Dilemma gespeel het. Ongelukkig het dit in San Francisco geopen net ’n week voor die aanval op Pearl Harbor.[6] Hy het in 1942 sy Broadway-debuut gemaak in Emlyn Williams se The Morning Star. Sy tweede rol op Broadway dié jaar was in The Willow and I. Peck was tydens die Tweede Wêreldoorlog in groot aanvraag omdat hy kwytgeskeld is van militêre diens weens ’n rugbesering.

In 1947 het hy saam met Mel Ferrer en Dorothy McGuire die La Jolla Playhouse in sy tuisstad gestig.[7] Dit het van die begin af Hollywood-sterre gelok en bestaan vandag nog.

Rolprente wysig

 
In die Designing Woman-woonwa.
 
In The Snows of Kilimanjaro, 1952.

Peck se eerste rolprent, Days of Glory, is in 1944 uitgereik. Hy is in sy eerste vier jaar in rolprente vier keer vir ’n Oscar vir beste akteur benoem – vir The Keys of the Kingdom (1944), The Yearling (1946), Gentleman's Agreement (1947) en Twelve O'Clock High (1949).

Onder sy ander prente was Spellbound (1945), The Paradine Case (1947), The Gunfighter (1950), Moby Dick (1956), The Man in the Gray Flannel Suit (1956), The Guns of Navarone (1961) en Roman Holiday (1953) saam met Audrey Hepburn in ’n rol waarvoor sy ’n Oscar gewen het. Peck en Hepburn was tot met haar dood goeie vriende.

In 1958 het Peck weer saam met die regisseur William Wyler gewerk aan die epiese western The Big Country (1958), waarvan hy die medevervaardiger was. Peck het die Oscar gewen met sy vyfde benoeming, as Atticus Finch in To Kill a Mockingbird. In 2003 is Atticus Finch deur die American Film Institute gekies as die top-rolprentheld van die laaste 100 jaar.[8]

Latere werk wysig

In die 1980's het Peck meer TV-werk gedoen; hy het in die minireeks The Blue and the Gray die rol van Abraham Lincoln vertolk. Hy het ook saam met Christopher Plummer, John Gielgud en Barbara Bouchet in die TV-prent The Scarlet and The Black gespeel.

 
In 2000 by die Cannes-rolprentfees.

Peck, Robert Mitchum en Martin Balsam het rolle gehad in die 1991-hervervaardiging van Cape Fear deur regisseur Martin Scorsese – al drie was in die oorspronklike 1962-weergawe.

Sy laaste groot rol was in Other People's Money, ook in 1991, van regisseur Norman Jewison. Peck het daarna afgetree en begin toer; hy het grepe uit sy flieks gewys, daaroor gepraat en vrae beantwoord. Hy het een keer weer toneelgespeel, in die 1998-minireeks-weergawe van een van sy grootste prente, Moby Dick – daarin het hy die rol van vader Mapple gespeel (wat in die 1956-weergawe deur Orson Welles vertolk is). Peck se vroeëre rol van kaptein Ahab is deur Patrick Stewart gespeel. Dit was sy laaste optrede en hy het die Golden Globe vir beste manlike byspeler gewen.

Persoonlike lewe wysig

Peck is in Oktober 1942 met die Fins gebore aktrise Greta Kukkonen getroud, by wie hy drie seuns gehad het: Jonathan, Stephen en Carey Paul. Hulle is in 1955 geskei, maar het vriende gebly. Die dag ná sy egskeiding is Peck getroud met Veronique Passani, ’n verslaggewer. Hulle het ’n seun, Anthony, en ’n dogter, Cecilia, gehad.

Peck is op 12 Junie 2003 in sy huis in sy slaap dood.[9]

Filmografie wysig

Jaar Rolprent Rol Notas
1944 Days of Glory Vladimir
The Keys of the Kingdom Vader Francis Chisholm Oscar-benoeming vir beste akteur
1945 The Valley of Decision Paul Scott
Spellbound John Ballantyne
1946 The Yearling Ezra "Penny" Baxter Golden Globe vir beste akteur, Oscar-benoeming vir beste akteur
Duel in the Sun Lewton 'Lewt' McCanles
1947 The Macomber Affair Robert Wilson
Gentleman's Agreement Philip Schuyler Green Oscar-benoeming vir beste akteur
The Paradine Case Anthony Keane
1949 Yellow Sky James 'Stretch' Dawson
The Great Sinner Fedja
Twelve O'Clock High Genl. Frank Savage Oscar-benoeming vir beste akteur
1950 The Gunfighter Jimmy Ringo
1951 Captain Horatio Hornblower Kapt. Horatio Hornblower
Only the Valiant Kapt. Richard Lance
Screen Snapshots: Hollywood Awards
David and Bathsheba Koning Dawid
1952 The Snows of Kilimanjaro Harry Street
The World in His Arms Kapt. Jonathan Clark
1953 The Million Pound Note Henry Adams
Roman Holiday Joe Bradley BAFTA-benoeming vir beste akteur
1954 Night People Kol. Steve Van Dyke
The Purple Plain Bill Forrester
1956 The Man in the Gray Flannel Suit Tom Rath
Moby Dick Kapt. Ahab
1957 Designing Woman Mike Hagen
1958 The Bravados Jim Douglass
The Big Country James McKay Ook vervaardiger
1959 Pork Chop Hill Lt. Joseph G. Clemons
Beloved Infidel F. Scott Fitzgerald
On the Beach Kmdr. Dwight Lionel Towers, USS Sawfish
1961 The Guns of Navarone Kapt. Keith Mallory
1962 Cape Fear Sam Bowden
How the West Was Won Cleve Van Valen
To Kill a Mockingbird Atticus Finch Oscar-benoeming vir beste akteur, Golden Globe-benoeming vir beste akteur, BAFTA-benoeming vir beste akteur
1963 Captain Newman, M.D. Kapt. Josiah J. Newman, MD Golden Globe-benoeming vir beste akteur, drama
1964 Behold a Pale Horse Manuel Artiguez
1965 Mirage David Stillwell
1966 John F. Kennedy: Years of Lightning, Day of Drums Verteller Dokumentêr
Arabesque Prof. David Pollock
1969 The Stalking Moon Sam Varner
Mackenna's Gold MacKenna
The Chairman John Hathaway
Marooned Charles Keith
1970 I Walk the Line Sheriff Tawes
1971 Shoot Out Clay Lomax
1974 Billy Two Hats Arch Deans
The Dove Vervaardiger
1976 The Omen Robert Thorn
1977 MacArthur Genl. Douglas MacArthur Golden Globe-benoeming vir beste akteur, drama
1978 The Boys from Brazil Josef Mengele Golden Globe-benoeming vir beste akteur, drama
1980 The Sea Wolves Kol. Lewis Pugh
1982 The Blue and the Gray Abraham Lincoln
1983 The Scarlet and the Black Monsignor Hugh O'Flaherty
1987 Amazing Grace and Chuck President
1989 Old Gringo Ambrose Bierce
Super Chief: The Life and Legacy of Earl Warren Verteller Dokumentêr
1991 Other People's Money Andrew Jorgenson
Cape Fear Lee Heller
1993 The Portrait Gardner Church
1998 Moby Dick Vader Mapple TV-minireeks
Golden Globe-benoeming vir beste byspeler

Verwysings wysig

  1. Freedland, Michael. Gregory Peck: A Biography. New York: William Morrow and Company. 1980. ISBN 0-688-03619-8 p.10
  2. United States Census records for La Jolla, California 1910
  3. Freedland, pp. 12–18
  4. Freedland, pp. 16–19
  5. Thomas, Tony. Gregory Peck. Pyramid Publications, 1977, p. 16
  6. Tad Mosel, Leading Lady: The World and Theatre of Katharine Cornell, Boston: Little, Brown & Co. 1978
  7. "Playhouse Highlights" (in Engels). La Jolla Playhouse. Geargiveer vanaf die oorspronklike op 9 Januarie 2018. Besoek op 19 Maart 2013.
  8. "argiefkopie". Geargiveer vanaf die oorspronklike op 4 Maart 2016. Besoek op 3 Oktober 2013.
  9. Grimes, William (13 Junie 2003). "Gregory Peck Is Dead at 87; Film Roles Had Moral Fiber". New York Times (in Engels). Geargiveer vanaf die oorspronklike op 21 Mei 2008. Besoek op 3 Oktober 2013.

Eksterne skakels wysig