Konstitusionele Hof van Suid-Afrika

Suid-Afrikaanse politiek

Parlement van Suid-Afrika Nasionale Vergadering Nasionale Raad van Provinsies

President Adjunkpresident Ministers Speaker van die Nasionale Vergadering Opposisieleier

Politici Politieke partye

Konstitusionele Hof Hoogste Hof van Appèl Hooggeregshof

Verkiesings

Die Konstitusionele Hof van Suid-Afrika is die hoogste hof oor grondwetlike (of konstitusionele) sake. Dit was oorspronklik slegs vir grondwetlike aangeleenthede bedoel. Sedert die inwerkingtreding van die Wet op Hoër Howe van 2013 het die Konstitusionele Hof jurisdiksie gekry om enige aangeleentheid aan te hoor, mits dit in belang van geregtigheid is om dit te doen.

Gebou van die Konstitusionele Hof in Braamfontein, Johannesburg

Hofsaal van die Konstitusionele Hof

Voorkant van die Konstitusionele Hof

'n Ewige vlam brand op Konstitusieheuwel in Johannesburg, Suid-Afrika

Die hof is deur die Tussentydse Grondwet van 1993 daargestel. Die eerste sessie het in Februarie 1995 begin. Daarna is dit ingevolge die Grondwet van 1996 voorgesit. Die hof is in die stad Johannesburg geleë, waar dit 'n doelgeboude kompleks op Konstitusieheuwel in Braamfontein beset. Die eerste hofsitting in die nuwe gebou is in Februarie 2004 gehou.

Die Konstitusionele Hof bestaan uit elf regters. Hierdie regters word deur die President van Suid-Afrika aangestel uit 'n lys wat deur die Regterlike Dienskommissie opgestel word. Die regters van die hof dien vir 'n termyn van twaalf jaar wat deur die parlement verleng kan word.

Die hof word deur die Hoofregter van Suid-Afrika en sy Adjunkhoofregter gelei. Die Grondwet vereis dat 'n aangeleentheid voor die hof deur minstens agt regters aangehoor moet word. In die praktyk hoor al elf regters bykans elke saak aan. Besluite word deur 'n meerderheid bereik en skriftelike redes word verskaf.

Huidige regters

Naam	Gebore	Aangestel deur	Ouderdom by aanstelling	Eerste dag/ lengte van diens	Verpligte aftrede	Opsionele aftrede	Vorige posisies	Voorganger
Mandisa Maya (Hoofregter)	20 Maart 1964 (1964-03-20) in Tsolo, Oos-Kaap	Cyril Ramaphosa	58 (Adjunkhoofregter) 60 (Hoofregter)	1 September 2022 2 jaar	20 Maart 2034	n.v.t.	Oos-Kaapse Afdeling Hoogste Hof van Appèl	Mogoeng Mogoeng Raymond Zondo (as Adjunkhoofregter en Hoofregter)
Mbuyiseli Madlanga	27 Maart 1962 (1962-03-27) in Mount Frere, Oos-Kaap	Jacob Zuma	51	1 Augustus 2013 11 jaar, 1 maand	1 Augustus 2028	n.v.t.	Oos-Kaapse Afdeling	Zak Yacoob
Nonkosi Mhlantla	2 Mei 1964 (1964-05-02) in Port Elizabeth, Oos-Kaap	Jacob Zuma	51	1 Desember 2015 8 jaar, 9 maande	1 Desember 2027	n.v.t.	Oos-Kaapse Afdeling Hoogste Hof van Appèl	Thembile Skweyiya
Leona Theron	7 November 1966 (1966-11-07) in Durban, KwaZulu-Natal	Jacob Zuma	51	1 Julie 2017 7 jaar, 2 maande	1 Julie 2029	n.v.t.	KwaZulu-Natalse Afdeling Hoogste Hof van Appèl	Johann van der Westhuizen
Steven Majiedt	18 Desember 1960 (1960-12-18) in Kenhardt, Gauteng	Cyril Ramaphosa	58	1 Oktober 2019 4 jaar, 11 maande	18 Desember 2030	n.v.t.	Noord-Kaapse Afdeling Hoogste Hof van Appèl	Dikgang Moseneke
Zukisa Tshiqi	11 Januarie 1961 (1961-01-11) in Cefane, Ngcobo, Oos-Kaap	Cyril Ramaphosa	58	1 Oktober 2019 4 jaar, 11 maande	11 Januarie 2031	n.v.t.	Suid-Gautengse Afdeling Hoogste Hof van Appèl	Bess Nkabinde
Jody Kollapen	19 Mei 1957 (1957-05-19) in Lady Selbourne, Pretoria, Gauteng	Cyril Ramaphosa	64	1 Januarie 2022 2 jaar, 8 maande	19 Mei 2027	n.v.t.	Noord-Gautengse Afdeling Hoogste Hof van Appèl	Edwin Cameron
Rammaka Mathopo	28 Januarie 1963 (1963-01-28) in Gauteng	Cyril Ramaphosa	58	1 Januarie 2022 2 jaar, 8 maande	28 Januarie 2033	n.v.t.	Suid-Gautengse Afdeling Hoogste Hof van Appèl	Johan Froneman
Owen Rogers	22 Oktober 1958 (1958-10-22) in Kaapstad, Wes-Kaap	Cyril Ramaphosa	63	1 Augustus 2022 2 jaar, 1 maand	22 Oktober 2028	n.v.t.	Wes-Kaapse Afdeling Mededingingsappèlhof	Chris Jafta

Eksterne skakels

• (en) Amptelike webwerf