Die eilande van die Karibiese See, wat ook onder die term Wes-Indiese eilande saamgevat word, bestaan uit die Lucayan-argipel (Bahamas en die Turks- en Caicoseilande), die Klein-Antille en die Groot-Antille (Engels: Greater Antilles; Frans: Grandes Antilles; Haïtiaanse Kreools: Gwo Zantiy; Jamaikaanse Patois: Grieta hAntiliiz; Spaans: Antillas Mayores). Die Groot-Antille sluit Kuba, Jamaika, die Kaaimanseilande, Hispaniola met die lande Haïti in die weste en die Dominikaanse Republiek in die ooste, en Puerto Rico in. Die kleiner eilande in die omgewing van die vier groot eilande word soms as deel van dié eilandgroep beskou. Die Groot-Antille bestaan uit kontinentale rots, terwyl die Klein-Antille meestal uit jong vulkaniese rots of koraaleilande bestaan. Die Groot-Antille beslaan meer as 90% van Wes-Indië se oppervlakte en huisves ook meer as 90% van die bevolking.

Groot-Antille
Inheemse naam: Greater Antilles, Gwo Zantiy, Grandes Antilles, Grieta hAntiliiz, Antillas Mayores
Nasa-satellietbeeld van die Groot-Antille
Nasa-satellietbeeld van die Groot-Antille
Geografie
Ligging Atlantiese Oseaan, Karibiese See
Koördinate 21°59′N 79°02′W / 21.983°N 79.033°W / 21.983; -79.033Koördinate: 21°59′N 79°02′W / 21.983°N 79.033°W / 21.983; -79.033
Argipel Wes-Indië
Totale eilande 4
Hoofeilande Hispaniola, Jamaika, Kuba en Puerto Rico
Oppervlakte 207 435 vk km

Administrasie
Vlag van Dominikaanse Republiek Dominikaanse Republiek

Hoofstad Santo Domingo
Grootste stad Santo Domingo (2 987 013)

Vlag van Haïti Haïti
Hoofstad Port-au-Prince
Grootste stad Port-au-Prince (1 275 000)

Vlag van Jamaika Jamaika
Hoofstad Kingston
grootste stad Kingston (651 880)

Vlag van Kuba Kuba
Hoofstad Havana
grootste stad Havana (2 168 255)

Vlag van Verenigde State van Amerika Verenigde State
Eilandgebied Puerto Rico
Hoofstad San Juan
grootste stad San Juan (434 374)

Demografie
Bevolking 35 066 790

Ligging van die Groot-Antille (groen) in die Karibiese gebied

Die Groot-Antille was vroeër 'n strategies belangrike hawe onderweg na die Amerikas. In die koloniale tydperk, toe die oorheersing van die see 'n land se mag gedefinieer het, was die eilande slagvelde vir verskeie imperiale magte, veral Spanje, Frankryk, Nederland en die Verenigde Koninkryk. Die eilande is aan die begin gekoloniseer vir hul hulpbronne, maar het later as belangrike vasmeerpunte vir skepe op hul reis tussen Europa en die Nuwe Wêreld gedien. Met die opkoms van kommersiële lugrederye het die strategiese waarde van die eilande stadigaan verminder.

Die eilande kan in kontras gebring word met die Klein-Antille.

Lande van die Groot-Antille wysig

Bronne wysig

  • (en) Rogonzinski, Jan (2000). A Brief History of the Caribbean. Londen: Penguin. ISBN 978-0-452-28193-6.

Eksterne skakels wysig