Groot Mere van Afrika

Die Groot Mere van Afrika (Engels: African Great Lakes, Swahili: Maziwa Makuu) vorm 'n reeks van mere binne die Groot Skeurvallei in Oos-Afrika. Dit sluit in die Victoriameer, die wêreld se derde grootste varswatermeer volgens oppervlakte, en die Tanganjikameer, die wêreld se tweede grootste meer volgens volume en diepte.^[1]

Die groot skeurmere van Afrika vorm sedert ou tye die tuis van 'n groot biodiversiteit; 10 persent van die wêreld se visspesies is daar gevind. Die mere Victoria, Tanganjika en Malawi bevat 'n kwart van die aarde se varswatervoorraad.

Lande wat in die Groot Mere-streek (soms ook Groter Mere-streek genoem) geleë is sluit in Burundi, die Demokratiese Republiek van die Kongo, Kenia, Malawi, Mosambiek, Rwanda, Tanzanië, Uganda en Zambië.^[2]

Opvanggebiede

Die Groot Mere van Afrika word verdeel in drie verskillende opvanggebiede (rivierbekkens); 'n getal soos die Turkanameer, het ook interne dreineringstelsels. Die volgende, in volgorde van grootte van die grootste tot die kleinste, word dikwels tot die Groot Mere van Afrika gereken:

Soms word net die Victoriameer, Albertmeer, en Edwardmeer as die Groot Mere beskou, omdat hulle die enigste drie is wat in die Wit Nyl uitmond. Die Kyogameer is deel van die Groot Mere-stelsel, maar dit word egter nie as een van die Groot Mere beskou nie omdat dit heelwat kleiner is as die andere mere. Die Tanganjikameer en Kivumeer mond beide in die Kongorivier-stelsel uit, terwyl die Malawimeer se water deur die Shirerivier in die Zambezirivier vloei. Die Turkanameer het geen afloop nie.

Verwysings

↑ (en) "~ZAMBIA~". www.zambiatourism.com. Geargiveer vanaf die oorspronklike op 21 Mei 2013. Besoek op 14 Maart 2008.
↑ (en) "International Documentation Network on the Great African Lakes Region". Princeton University Library. Geargiveer vanaf die oorspronklike op 16 Desember 2019. Besoek op 22 November 2013.

Bronne

Hierdie artikel is vertaal uit die Engelse Wikipedia

Eksterne skakels

Wikimedia Commons het meer media in die kategorie Groot Mere van Afrika.
(en) "East African lakes". Encyclopædia Britannica. Besoek op 2 November 2023.

8°S 35°O / 8°S 35°O / -8; 35

[1] (en) "~ZAMBIA~". www.zambiatourism.com. Geargiveer vanaf die oorspronklike op 21 Mei 2013. Besoek op 14 Maart 2008.

[2] (en) "International Documentation Network on the Great African Lakes Region". Princeton University Library. Geargiveer vanaf die oorspronklike op 16 Desember 2019. Besoek op 22 November 2013.

[1]

[2]