Groot Moskee van Samarra
Die Groot Moskee van Samarra was ’n 9de-eeuse moskee in Samarra, Irak. Dit is in 851 deur die Abbasidiese kalief Al-Moetawakkil voltooi. Dit was ’n tyd lank die grootste moskee in die wêreld; sy minaret, die Malwiya-toring, is ’n spiraal van 52 meter hoog en 33 meter breed by sy basis, met ’n trap om.[1][2]
| Groot Moskee van Samarra | ||
| ||
| Die moskee se minaret. | ||
| Ligging | Samarra, Irak | |
| Voltooi | 851 | |
| Status | Verwoes (behalwe minaret) | |
| Spesifikasies | ||
| Minarethoogte | 52 m | |
Die moskee het deel gevorm van ’n uitbreiding van die stad na die ooste.[3] Dit het 17 paadjies gehad en die muurpanele was mosïekwerk van donkerblou glas. Die Moskee van Ibn Tulun in Kaïro, Egipte, is in ’n groot mate op die Samarra-moskee geskoei.[4]
Die moskee self is in 1278 verwoes ná die inval van Hülegü Khan in Irak. Net die buitemuur en sy minaret het bly staan.[5] Dit was aanvanklik met ’n brug aan die moskee verbind.
In 2005 is die bopunt van die Malwiya-minaret deur ’n bom beskadig. Volgens die Irakse polisie het rebelle die bopunt opgeblaas wat voorheen deur Amerikaanse soldate as ’n uitkyktoring gebruik is; die soldate het egter die maand tevore die toneel verlaat.[6][7]
Verwysings
wysig- ↑ Kleiner, Fred S. en Christin J. Mamiya. Gardner's Art Through the Ages, 12de uitg. Thomson Wadsworth, 2005
- ↑ Kleiner, Fred (2011). "The Islamic World". Gardner’s Art through the Ages, Boek 3. Boston: Cengage Learning. p. 289.
- ↑ D. Hoag., John. Islamic Architecture. Electra/Rizzoli.
- ↑ Behrens-Abouseif, Doris. "Islamic architecture in Cairo: an introduction." American University in Cairo Press: 2005. 51-57
- ↑ "مسجد سامرا ؛ برخوردار از مناره ای 53 متری و حلزونی شکل"[dooie skakel] (in Persies). Mehr-nuusagentskap. URL besoek op 27 Maart 2012.
- ↑ "Middle East | Ancient minaret damaged in Iraq" (in Engels). BBC News. 1 April 2005. Geargiveer vanaf die oorspronklike op 16 September 2019. Besoek op 3 September 2015.
- ↑ "argiefkopie". Geargiveer vanaf die oorspronklike op 4 Maart 2016. Besoek op 1 September 2016.
Eksterne skakels
wysig- Die Groot Moskee, Samarra, Irak
- Foto en inligting Geargiveer 28 Oktober 2005 op Wayback Machine
Wikimedia Commons het meer media in die kategorie Groot Moskee van Samarra.
Hierdie artikel is vertaal uit die Engelse Wikipedia
