Grootrietrot
Die Grootrietrot (Thryonomys swinderianus) is 'n knaagdier wat voorkom aan die oostelike kusstreke van Suid-Afrika vanaf Oos-Londen, die Limpopo provinsie, Zimbabwe, Mosambiek en die Okavango Delta in Botswana. Die Grootrietrot is nie 'n ware rot nie; slegs knaagdiere wat aan die genus Rattus behoort word beskou as rotte.
| Grootrietrot | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Suborde: | |
| Familie: | |
| Genus: | |
| Spesie: | T. swinderianus
|
| Binomiale naam | |
| Thryonomys swinderianus (Temminck, 1827)
| |
Bou en kleur
wysigDie soogdier het growwe, stekelrige hare en 'n kort stert. Die rot is gespikkeld bruin oor die algemeen terwyl die onderkante 'n ligter grysbruin is. Die ken en keel is wit en die ore is byna toe onder die hare. Die snoet is verleng en die neus vorm 'n vlesige kussing wat in stampgevegte gebruik word. Die dier is groter as die Kleinrietrot. Die mannetjies (3.5 kg - 5.2 kg) is groter as die wyfies (3.4 kg - 3.8 kg).
Habitat en gewoontes
wysigHulle woon in rietbeddings en dele met lang gras naby permanente riviere en vleie. Die rot eet graag wortels, stingels en lote van grasse en riete. Hulle natuurlike vyande is die Tierboskat en die luislang. Hulle lewe in groepies van 8-10 maar loop gewoonlik alleen rond en is hoofsaaklik naglewend. Bedags rus hulle in digte plantegroei of in gate in die rivierwal. Die dier kan goed swem en vlug soms in die water in. Vier tot agt kleintjies word vanaf Augustus tot Desember gebore.
Sien ook
wysigBron
wysig- Die Soogdiergids van Suider-Afrika. Burger Cillié. ISBN 978 1 875093 46 5. 2009.
Verwysings
wysig- ↑ Hoffmann, M. (2008). Thryonomys swinderianus. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 5 Januarie 2009.
